I. Tudosan taringot tu hatutungkum ni Jerusalem 1-8. II. Tudosan taringot tu hararamun ni Israel di tongatonga ni angka parbegu dohot haleon potir na masa di Jerusalem 9-17
1(I.) Ia ho ale anak ni jolma, buat ma di ho tano takko sada, jala peakkon di jolom, jala uhirhon tusi huta Jerusalem.
2Jala bahen hubu dompak huta i, jala pauli angka batarbatar di atasna, jala pajongjong parik sada dompak huta i, jala bahen angka parsaroan martungkum huta i, jala pajongjong angka salosap humaliang.
3Angkup ni buatonmu ma di ho balanga bosi sada, jala pajongjongonmu ma i gabe parik bosi, parholanganmu sian huta i, jala sai dituju bohim ma i, asa hona hubu huta i tungkumonmu. I ma gabe tanda di pinompar ni Israel.
4Alai anggo ho podomanmu ma sihambirangmu, jala ampehon ma hajahaton ni pinompar ni Israel tu atasna, marguru sian bilangan ni angka ari parpodommu disi, lelengna usungonmu hajahatonnasida.
5Ianggo ahu nunga hubuhul tu ho angka taon ni hajahatonnasida, manjadi torop ni ari tolu ratus siapulu ari lelengna usungonmu hajahaton ni pinompar ni Israel.
6Ia dung dipatolhas ho angka ari i, podomanmu ma paduahalihon siamunmi, asa usungonmu hajahaton ni pinompar ni Juda opatpulu ari lelengna, sada taon gabe sadari hubahen anggo tu ho.
7Antong dompak parhubuon ni Jerusalem ma tujuon ni bohim dohot tanganmu manangkas, asa manurirangi ho dompak huta i.
8Jala ida ma, nunga pola hubahen tu ho angka tali, jala ndang jadi humosing ho sian hambirang tu siamun, paima dipatolhas ho angka ari partungkumonmu.
9(II.) Ia ho buatonmu ma di ho eme simetmet dohot siansimun dohot dalidali dohot hadio dohot bajaure dohot daua, jala bahenonmu luhutna i tu bagasan sada tong, jala paulionmu angka i di ho bahen sagusagu, marguru sian bilangan ni angka ari parpodommu manjorbing, singkop tolu ratus siapulu ari lelengna panganonmu.
10Ia godang ni panganon sipanganonmu ganup ari dasingon do duapulu sekkel sadari, ingkon martingki do panganonmu.
11Ingkon marsuhat do nang aek siinumonmu, saparonom hin, ingkon martingki do inumonmu.
12Angkup ni panganonmu do sagusagu sada sian gadongkau, jala masahonmu do i marhitehite ginagat ni jolma di adopannasida.
13Dung i ninna Jahowa ma: Ingkon songon i ramun panganon ni halak Israel sogot rotinasida di tongatonga ni angka parbegu, haambolongannasida bahenonku.
14Jadi ningku ma: Iale Tuhan Jahowa, ida ma, ndang dung tarsamar rohangku, jala ndang dung hupangan na mate garam, manang soroan olat ni sietehetehonku rasirasa nuaeng jala ndang dung bongot tu bagasan pamanganku juhut habiason.
15Dung i ninna ibana tu ahu: Ida ma, hulehon pe tu ho ginagat ni lombu, singkat ni ginagat ni jolma, di atas ni pe masahonmu sagusagum.
16Angkup ni ninna ibana tu ahu: Ale anak ni jolma, ida ma, ponggolhononku ma tungkot parbohalon di Jerusalem, asa panganonnasida roti na nidasing, jala mardongan hagogotan, nang aek marsupak do inumonnasida, jala mardongan hapariron.
17Ala hurangan roti dohot aek nasida, gabe tarhatotong be nasida jala mandate binahen ni hajahatonnasida i.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel