Diona to menani
1Napamarimbanganmi Daud sia kamandang surodadu lako pentoean kamenomban tu bati’na Asaf, Heman na Yedutun tu susito nabi ma’nubua’ ke marassanni umpannoni katapi, dandi sia taa’-taa’. Inde sia tu sura’ bilanganna tau untoe pentoean iato.
2Iatu anakna muane Asaf iamotu Zakur, Yusuf, Netanya na Asarela; mintu’i te anakna muane Asaf tu napangului Asaf, tu susito nabi ma’nubua’, tu napamanassa datu.
3Diona Yedutun, iatu anakna muane Yedutun iamotu Gedalya, Zeri, Yesaya, Hasabya na Matica, annanni, tu na-pangului ambe’na tu susito nabi ma’nubua’, ke marassanni umpannoni katapi umpudi sia umpakaraya PUANG.
4Diona Heman, iatu anakna muane Heman iamotu Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir na Mahaziot.
5Mintu’i te anakna muane Heman, to patanda-tandanna datu, tu umbattuananni kadanNa Puang Matua, la umpatarangga tandukna datu; Nakamasei Puang Matua tu Heman sangpulo a’pa’ muane na tallu baine.
6Mintu’i te napangului ambe’na unnala nanian lan banuanNa PUANG, ke umpannonii taa’-taa’, dandi na katapi, lan kamenomban lan banuanNa Puang Matua, tu napamanassa datu, iamotu napangului Asaf, Yedutun na Heman.
7Iatu bilanganna tau iato mai sola mintu’ siulu’na, tu diada’imo nanian umpudi PUANG, iamotu mintu’ manarangnamo, den duaratu’ karua pulona ngkarua.
8Ma’lotereimi tu tau iato mai la umboronganni tu pentoean, la adinna la kakanna, la to manarangna la to melada’pa.
9Pa’loterei bunga’na – lako anakna Asaf – Yusuf nakanna; iatu ma’penduanna iamotu Gedalya: ia sisola mintu’ siulu’na sia anakna muane: sangpulo duai.
10Iate ma’pentallunna iamotu Zakur, sola mintu’ anakna muane sia siulu’na: sangpulo duai.
11Iatu ma’penna’pa’na iamotu Yizri, sola mintu’ anakna muane sia siulu’na: sangpulo duai.
12Iatu ma’pellimanna iamotu Netanya, sola mintu’ anakna muane sia siulu’na: sangpulo duai.
13Iatu ma’pennannanna iamotu Bukia, sola mintu’ anakna muane sia siulu’na: sangpulo duai.
14Iatu ma’pempitunna iamotu Yesarela, sola mintu’ anakna muane sia siulu’na: sangpulo duai.
15Iatu ma’pengkaruanna iamotu Yesaya, sola mintu’ anakna muane sia siulu’na: sangpulo duai.
16Iatu ma’pengkaseranna iamotu Matanya, sola mintu’ anakna muane sia siulu’na: sangpulo duai.
17Iatu ma’pessangpulona iamotu Simei, sola mintu’ anakna muane sia siulu’na: sangpulo duai.
18Iatu ma’pessangpulo misanna iamotu Azareel, sola mintu’ anakna muane sia siulu’na: sangpulo duai.
19Iatu ma’pessangpulo duanna iamotu Hasabya, sola mintu’ anakna muane sia siulu’na: sangpulo duai.
20Iatu ma’pessangpulo tallunna iamotu Subael, sola mintu’ anakna muane sia siulu’na: sangpulo duai.
21Iatu ma’pessangpulo a’pa’na iamotu Matica, sola mintu’ anakna muane sia siulu’na: sangpulo duai.
22Iatu ma’pessangpulo limanna iamotu Yeremot, sola mintu’ anakna muane sia siulu’na: sangpulo duai.
23Iatu ma’pessangpulo annanna iamotu Hananya, sola mintu’ anakna muane sia siulu’na: sangpulo duai.
24Iatu ma’pessangpulo pitunna iamotu Yosbekasa, sola mintu’ anakna muane sia siulu’na: sangpulo duai.
25Iatu ma’pessangpulo karuanna iamotu Hanani, sola mintu’ anakna muane sia siulu’na: sangpulo duai.
26Iatu ma’pessangpulo kaseranna iamotu Maloti, sola mintu’ anakna muane sia siulu’na: sangpulo duai.
27Iatu ma’penduangpulona iamotu Eliata, sola mintu’ anakna muane sia siulu’na: sangpulo duai.
28Iatu ma’penduangpulona mmisa iamotu Hotir, sola mintu’ anakna muane sia siulu’na: sangpulo duai.
29Iatu ma’penduangpulona ndua iamotu Gidalti, sola mintu’ anakna muane sia siulu’na: sangpulo duai.
30Iatu ma’penduangpulona ntallu iamotu Mahaziot, sola mintu’ anakna muane sia siulu’na: sangpulo duai.
31Iatu ma’penduangpulona nna’pa’ iamotu Romamti-Ezer, sola mintu’ anakna muane sia siulu’na: sangpulo duai.
<< 1 Tawarikh 25 >>
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel