Alkitab Mobile SABDA
[VER] : [ARALLE]     [PL]  [PB] 
 <<  1 Timotius 5 >> 

1Daungkasahhu'i to baha' ampo' pahalluo malunä' lella' mampakuhu sinnoa ke umpa'karaio ambemu anna indomu. Monna to mahäti' ang muane, pasinnoai siullu'mu. Noa tunne' pano di änä' bahine, pasihapangngi arimmu sitonda inaha bahahsi.

2(5:1)

3Pakeangka'o ingkänna balu bahine ang inang namesa-mesarang ang dang aha mangkalemui.

4Ampo' monna ke ahai ang ahake' änä'na bahtu' ampona, pahallu la sika mellaya' untuhu'i pa'elo'na Puang Alataala, dianto untangkung toboe' hapunnaii anna la sika umpengkähängnging to baha'na bahtu' nenena, bala'na pa'kalemunna. Monna ke napanoai, ya' umpamasannammite' Puang Alataala.

5Balu bahine ang inang tohho namesa-mesa, panghannuanna supung dai' di Puang Alataala. Umbeho lolo katuhoanna allo bengi yaling di sambayang.

6Ampo' mesa balu bahine ang sahhing babeang, diangka' mate moinnakato tuhoke', aka' dai untuhu'i Inaha Masero.

7Painsangngi asammito indee pano di jumaa' anna malai dai kekasalaang.

8Ampo' monna ke ahai ang dai nainsang undakai solasohonna, londonang sanghapunna, alla'mite' mampetahpa', aka' tasampa' puhane' andana ang dai mampetahpa'.

9Balu bahine ang dihekeng sihatang nadului jumaa' anna napopengkähäng dianto ang unnumpulo ludai' pahiamanna ang pihsang supu kemuane.

10Pahallu diita pembabena ang mapia, sinnoanna umpopentau änä'na, untahimbo mapia to sulena, mensabua' pano di para-paranna to Sahani anna ungkalemui tau ang masuhsa. Napengkalambi'-lambi'i lolo umbabe kamapiaang.

11Ampo' balu bahine ang mahäti'ke' daumpasihekengngi ang matua. Aka' umbai dako' la pemala bung kemuane, ya' dang ungkalehai Kristus.

12Dahi kekasalaang aka' untehkai yato pa'dandinna ang nadandi dolu dai' di Puang Yesus.

13Noa toi si tengkong bosi anna si mao ullelengngi to kedasang, anna ang handang tasampa' nababe dianto ma'kara-kara bu'bu', umpentama alla' uhu'anna tau senga' anna untula' kara ang dai sihatang natula'.

14Dianto kupemala anna malai ingkänna balu bahine ang mahäti'ke' anna kemuane salai, keänä' anna ungnguhu' hapunna. Ponna noa, ya' dang aha tau la mampatahuhu sangantaa' to Sahani.

15Aka' inang ahang balu bahine ang ungkebo'ing Puang Yesus anna untuhu'i Pongkahana setang.

16Sinnoa ang kutula' di langngena', monna mesa bahine ang Sahani aha solasohonna ang balu bahine, pahallu nadului andana unsuhsaii jumaa'. Pihsananna, balu bahine ang inang dai kesolasohong mala nadului jumaa'.

17Penatua ang umbabe manahpa kähänganna yaling di jumaa' sihatang untahimbo pendoang luhpi' saho, londonang ang si ma'ho'ba anna ang mampakuhu.

18Aka' aha tiuki' yaling di Suha' Masero ang naoatee, "Daungkambung patuhoang ke lella'i mengkähäng." Noa tunne', "Tau ang mengkähäng pahallu untahimbo sahona."

19Daumpehingngii ke ahai ang untanda' mesa penatua, supung ke ahai derua bahtu' tallu tau ang mansa'bii.

20Monna aha ang inang umbabe kasalaang ang ditanda'ing, ya' la ditula' tama di olona jumaa' anna malai ingkänna ang manghingngi mahea'.

21Di olona Puang Alataala, Kristus Yesus anna ingkänna malaeka' masero, kupalau liu anna malai untuhu'i inde ang kutula'ingko sibaha umpapara-para asangngo hupatau.

22Daa pihsa' tomande'i umpillei tau mendahi penatua andana ahai tau ang mangkeaha'io ke umbabei kasalaang. Pamapahehsai dolu kau'na mane ullanti'i. Insang touo dio undakai kalaemu anna malai masero lolo.

23Aka' aha sangngaka-sangngaka tau ang inang diinsammi dosanna akinna dipahehsa, ampo' aha toe' tau ang mane diinsang ke yalimmi di pampahehsaang. Noa tunne' samai pembabe mapia tahpa kaitaang. Bahtu' moinnakato ke ahai ang dai kaitaang, dai mala dibuni lolo. O' io, anna dai kukalimpängngi, daungngenu' supu uhai ke malamma bung kalaemu, ampo' enu' toine' angkoro' sai'di'.

24(5:23)

25(5:23)


  Share Facebook  |  Share Twitter

 <<  1 Timotius 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel