Alkitab Mobile SABDA
[VER] : [ARALLE]     [PL]  [PB] 
 <<  2 Tesalonika 3 >> 

1Katämpä'anna, ingkämmua' solasohongki', pa'sambayang loloingkang anna malai kara Dehata madihhi' tisembu' anna dipa'käyyängngi, noa ang puha dahi yaling di alla'-alla'mua'.

2Pa'sambayang toingkang umba ke malaang lahpa' di hao mai di tau karake, aka' dai mampetahpa' asang ingkänna tau.

3Ampo' Dehata ang mala dipetahpa' la umpakatoto'koa' anna ungkambi'koa' ungngoloi yato tau karake.

4Nabeaang Dehata kapampetahpa'ang lambi' kioatee si umbabe lolongnga', anna tontong la umpanoa lolo yato ang puha kisuoingkoa'.

5Ke la malai Kalaena Dehata umpatehtekoa' anna mala tuhtuang ungnginsangnga' ungngoatee Puang Alataala mekalemui anna la nabeakoa' kasa'bara'ang Kristus sinnoa ang puha nasa'ding ungngolai kamadahhaang.

6Ingkämmua' solasohongki', kisuokoa' yaling di sanganna Puang Yesus Kristus dakoa' la umponialai ingkänna santosahaninta ang tengkong bosi mengkähäng anna ang dai naaku untuhu'i yato pepaturu ang puha kipaturuingkoa'.

7Aka' ungnginsang tubungnga' dio umba la umpanoa pahallu umponialaiang. Aka' daang kami' tengkong mengkähäng yato anna sibaha-bahakingkea'

8anna dakang aha si ungngande andeanna tau ke dai kibaya' dolu, ampo' untanangngang sikungki' mengkähäng allo bengi andana ahakoa' manii kisuhsai ke untahiaiang.

9Yato kipanoa dai kioatee dai sihatang ke kisuokoa' untahiaiang aka' pesuonaang Puang Yesus, ampo' kipanoa anna malai umpohapangangngang.

10Aka' si kipakaenga' siamokoa' yato anna sibahakingkea' kioatee, "Pano di to tengkong bosi mengkähäng, dai mala dibea andeang."

11Kitula' noa indee aka' kipelele aha yaling di alla'-alla'mua' ang tengkong bosi mengkähäng. Yato tau dai naaku mengkähäng, supung nainsang kalao-lao leleng lupano luihao mai umpenghaui uhu'anna tau senga'.

12Tau ang noa yatoo kipakaleha anna kipaturu yaling di sanganna Puang Yesus Kristus kioatee, la hapa' anna mengkabansa' mengkähäng anna malai aha toe' naande ang napeäng kalaena.

13Ampo' dioa' dio, ingkämmua' solasohongki', daummali'-mali'angngi membabe mapia.

14Ke ahai tau ang dai naaku untuhu'i tula'ki' yaling inde di suha', tandaii nei', anna daunsibahaing anna malai masili.

15Ampo' dai la ungngangka'a' sinnoa balimmu, diare' la umpa'karaia' sihapang solasohommu.

16Kalaena Dehatantaa', dianto kasuleanna kamasahkeang anna kamalinoang, la tontong lolo umbehekoa' kamasahkeang anna kamalinoang yaling di ingkänna kaha-kaha. Kihannuang la naposolai lolokoa'.

17Salama'ku mating. Kalaeku ungnguki' inde kara salama'ku, aka' diantoo ang mendahi tanda yaling di ingkänna suha'ku. Noantoo indee pangnguki'ku. Ke la malai Dehatanta Puang Yesus Kristus umbehekoa'.

18(3:17)


  Share Facebook  |  Share Twitter

 <<  2 Tesalonika 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2021
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran