1Elong ziyara. Wettunna PUWANGNGE napalisui keadaanna Yérusalém, pada-padaki mannippié!
2Matteruki macawa sibawa makkélong marennu angkanna bangsa-bangsa laingngé makkeda, "PUWANGNGE pura pogau’ gau’-gau’ iya maseroé untu’ mennang!"
3Mémeng PUWANGNGE pura pogau’ gau’-gau’ iya maseroé untu’ idi! Rimakkuwannanaro tamariyo-riyo!
4Oh PUWANG, palisui keadaatta, pada-pada salo rakkoé makkuwai paimeng ri wettu bosié.
5Tennapodo tau iya mampoé naterito, méngngalai sibawa gora-gora.
6Laowi tauwé mampo biné ri dare’na, namabbarébé towi uwai matanna. Lisui sibawa makkélong marennu tiwii wessé-wessé éngngalanna.