Dual Panel1(67-1) Kidung masmur kanggo pemimpin penyanyi, dibarengi uniné clempung. (67-2) Dhuh Allah, Paduka mugi paring sih-rahmat, tuwin mberkahi dhateng kawula.
2(67-3) Kawula kasunarana déning cahyaning wedana Paduka. Supados karahayon peparing Paduka kasumerepan ing satengahing para bangsa.
3(67-4) Dhuh Allah, mugi salumahing bumi sami ngluhuraken Paduka. Paduka dipun pepuji déning para bangsa.
4(67-5) Para umat sami bingaha kalawan suka-rena, awit bangsa-bangsa menika Paduka rèh kalayan adil. Sarta para umat sedaya ing jagad, Paduka ingkang badhé nuntun lampahipun.
5(67-6) Dhuh Allah, para bangsa mugi sami memuji dhumateng Paduka. Paduka dipun pujia déning para bangsa sedaya!
6(67-7) Bumi wis metokaké hasilé, Pangéran kang jumeneng Allah kita mberkahi kita.
7(67-8) Allah mberkahi kita; salumahé bumi padha ngabektia marang Allah.