Dual PanelMuji kiniulin Dibata
1Si Salomo empuna. Adi rumah la bekas TUHAN mantekisa, sia-sia me pendahin tukang. Adi kota la ikawali TUHAN, sia-sia me pengawal erjaga-jaga.
2Percuma kap encari alu latih erdahin, lampas medak dingen melawen tunduh. Sabap TUHAN mereken rejeki man kalak si IkelengiNa, tupung si IkeliniNa sangana tunduh.
3Situhuna, Tuhan kap si mereken anak-anak e, pasu-pasu i bas TUHAN nari kap ia.
4Anak dilaki si ipupus tupung kalak nguda denga, bali kap e ras anak panah i bas tan si mbisa.
5Sangap kap kalak si melala anak panahna si bage, ndigan pe la ia tertaluken, tupung jumpa ras imbangna i pengadilen.