Dual PanelPertoton berngi
1Masmur Daud. O TUHAN, erlebuh aku man BaNdu, sampati min aku genduari! Dengkehken min aku, tupung aku erlebuh man BaNdu.
2Alokenlah pertotonku desken persembahen si merim, tanku si kudadaken desken persembahen karaben.
3O TUHAN, jagai min babahku, eruk min biberku.
4Ula min PediatNdu jahat sura-surangku, ntah pe ngikut ken perbahanen kalak jahat. Ndigan pe, ula min aku ikut i bas kerja-kerjana man-man.
5Adi kalak bujur mandang dingen ngukum aku, tama kiniulin kap e man bangku. Tapi pujin i bas kalak jahat nari la kualoken, sabap aku usur ertoto ngelawan perbahanenna si jahat.
6Kune peminpin-peminpinna ianjemken i bas tebing batu nari, emaka tek me kalak emaka tuhu nge si kukataken.
7Desken kayu si taka dingen iripukken, bage me pe tulan-tulanna ikerapken i tepi kuburen.
8Tapi aku tetap ernalem man BaNdu, o TUHAN Dibatangku, ku Kam nge aku cicio, ula aku PelepasNdu mate.
9Kawali aku maka ula aku kena siding si itogengna lako nangkap aku, kawali aku i bas ragum kalak jahat e nari.
10Bahan maka kalak jahat kena sidingna jine, tapi aku mentas la kena kai pe.