Alkitab Mobile SABDA
[VER] : [KARO]     [PL]  [PB] 
 <<  Mazmur 142 >> 

Pertoton mindo penampat

1Ende-enden Daud tupung ia i bas gua; pertoton.

2Erlebuh aku man TUHAN, man BaNa aku mindo penampat.

3Man BaNa kutungkasken kerina ukurku picet, kuturiken man BaNa kerina kesusahenku.

4Tupung tumpat ukurku, IetehNa kai si arus kubahan. I bas dalin si ateku kudalani, nggo itogeng imbangku siding lako nidingi aku.

5Tupung kutulihken ku sekelewetku, la lit si banci nampati. La lit ise pe si ngkawali aku, ise pe la lit si mperdiateken aku.

6O TUHAN, nderkuh aku mindo penampat, Kam TUHAN, Kam kap man inganku cicio. Kam ngenca sura-surangku i bas kegeluhen enda.

7Dengkehken min penderkuhku mindo penampat, nggo gedap aku i bas ukurku gulut. Pulahi min aku i bas imbang-imbangku nari, megegehsa ia rimbangken aku. <142:8> - Tangtangi aku i bas kesusahenku nari, maka tupung BangsaNdu pulung, aku pe banci muji Kam, erkiteken KiniulinNdu man bangKu.


  Share Facebook  |  Share Twitter

 <<  Mazmur 142 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran