Alkitab Mobile SABDA
[VER] : [KARO]     [PL]  [PB] 
 <<  Mazmur 16 >> 

Ertoto guna petetapken ukur

1Masmur Daud. O Dibata, kawalilah aku; kempak Kam ernalem aku.

2Ningku man TUHAN, "Kam kap Tuhanku; kerina si mehuli kualoken i bas Kam nari."

3Seh kal ulina bangsa TUHAN si patuh! KeriahenKu si mbelin eme kap ras ia.

4Kalak si ngikutken dibata-dibata si deban, melala maba kesusahen man dirina jine. La aku nggit ikut muat bagin i bas kurban persembahenna; la aku nggit nembah man dibata-dibatana.

5O TUHAN, Kam kap kebayakenku, emaka IberekenNdu kerina keperlunku, wari-waringku si pepagi lit i bas TanNdu.

6Lanai tanggung buena PemereNdu man bangku, seh kal ulina PemereNdu e.

7Kupuji TUHAN, erkiteken Ia kap si mabai aku, dingen pusuh peratenku ngajari aku tupung berngi.

8Tetap kugejap maka Dibata ndeher kap ras aku, gelah aku tetap paguh.

9Emaka meriah kal ukurku, pusuhku pe ersurak-surak senang tendingku.

10IpulahiNdu aku i bas kuasa kematen nari, kalak si IkelengiNdu la ItadingkenNdu i doni kematen.

11ItuduhkenNdu bangku dalan si perlawesna kempak kegeluhen. I adep-AdepenNdu dem keriahen, i bas TanNdu kap kesenangen.


  Share Facebook  |  Share Twitter

 <<  Mazmur 16 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel