Pertoton erpagi-pagi mindo penampat
1Masmur Daud kenca ia lompat i bas anakna Absalom.
2O TUHAN, nterem kal musuh-musuhku, nterem kal si ngelawan aku!
3Icakapkenna aku nina, "Labo isampati Dibata ia."
4Tapi Kam o TUHAN, Kam kap ampang-ampangku IberekenNdu kemenangen man bangku; janah IpetetapNdu ukurku.
5Erlebuh aku mindo penampat man TUHAN, janah ialoina aku i datas DelengNa si badia nari.
6Medem aku, jenari tertunduh, janah gedang-gedang berngi ikawali TUHAN aku.
7La aku mbiar musuhku meribu-ribu si arah japa pe ngkepung aku.
8Mari o TUHAN, pulahi aku o Dibatangku! IukumNdu kerina musuh-musuhku seh maka lanai ia ergegeh ngelawan aku. <3:9> - Kemenangen rehna i bas TUHAN nari kap; ipasu-pasu Dibatalah BangsaNa.