Alkitab Mobile SABDA
[VER] : [KARO]     [PL]  [PB] 
 <<  Mazmur 47 >> 

Dibata kap Penguasa si Meganjangna

1Ende-enden Korah.

2Ertepuklah alu meriah, o bangsa-bangsa! Pujilah Dibata alu ersurak-surak si meriah!

3TUHAN si Meganjang tuhu-tuhu rejin kap. Ia kap Raja si Mulia si merentah kerina doni enda.

4IberekenNa man banta kemenangen naluken bangsa-bangsa, IbahanNa kita jadi penguasa kerina doni enda.

5IpilihNa negeri man inganta tading, si jadi kemegahen man bangsa si IkelengiNa.

6Dibata nggo nangkih ku das kursi KinirajanNa, iikutken surak si meriah ras sora terompet.

7Endekenlah ende-enden pujin man Dibata, ende-enden pujin man Dibatanta!

8Dibata kap Raja kerina doni enda, alu ende-enden pujilah Ia!

9Dibata kundul i datas kursi KinirajanNa, Ia kap si merentah bangsa-bangsa. <47:10> - Pulung kerina peminpin bangsa-bangsa, ersada ras bangsa Dibata si isembah Abraham. Sabap Dibata kap Raja si Mulia, gegehen pe Ia asangken kerina tentera.


  Share Facebook  |  Share Twitter

 <<  Mazmur 47 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran