Dual PanelTanda si ibahan nabi si manjang-anjang
1Arah perentah Sargon raja Assur, maka puanglima tentera Assur reh nerang kota Asdot i negeri kalak Pilisti jenari italukenna.
2Telu tahun ope si e nggo ikataken TUHAN man Jesaya anak Amos gelah nangtangi sepatu ras uis guni si ipakena. Iikutkenna kata TUHAN, emaka gawah-gawah ia alu manjang-anjang janah la ersepatu.
3Tupung Asdot italuken nina TUHAN, "Suruh-suruhenKu Jesaya nggo telu tahun dekahna gawah-gawah alu manjang-anjang dingen la ersepatu. Enda me sada tanda kerna kai pagi jadi nandangi Mesir ras Sudan.
4Tabanen si itangkap raja Assur i bas negeri si dua e ibaba pagi lawes manjang-anjang ras la ersepatu, janah si enda erbahanca mela iakap Mesir.
5Kalak si ernalem kempak Sudan dingen si ngagahken Mesir la banci lang mela akapna, janah bene pengarapenna."
6Tupung paksa e, kalak si ringan i tepi lawit ngatakenca, "Nehenlah uga nggo jadina negeri penalementa e; mbarenda si arapken ia ngkawali kita i bas raja Assur nari! Ja nari nge banci kita pulah?"