Alkitab Mobile SABDA
[VER] : [MADURA]     [PL]  [PB] 
 <<  Mazmur 101 >> 

1Jaburra Daud. Abdidalem anyanye parkara kaestowan sareng kaadilan, kaagem Junandalem, GUSTE, nyanyeyan pojiyan abdidalem!

2Abdidalem ajaga’a sopaja odhi’a tadha’ calena. Bilaepon Junandalem se rabuwa manggiyana abdidalem? Abdidalem odhi’a socce e compo’,

3manabi badha kajahadan sareng abdidalem ta’ epannengnga. Abdidalem baji’ ka tengkaepon oreng mortad, ta’ poron aorosan sareng reng-oreng gapaneka.

4Abdidalem ta’ roceya, ta’ ro’-noro’a e dhalem kajahadan.

5Oreng se tek-ngetek apetenna sareng abdidalem epateyana. Oreng se sombong sareng tenggi atena sareng abdidalem ta’ epannengnga.

6Abdidalem lebur ka oreng se esto ka Allah; reng-oreng gapaneka kengeng enneng e compo’ abdidalem. Oreng se odhi’na tadha’ calena kengeng aladine abdidalem.

7Tokang tepo ta’ kengeng enneng e compo’ abdidalem; oreng lecegan ta’ kera kowat dhep-adhebban sareng abdidalem.

8Sabban are abdidalem mamosna’a reng-oreng jahat e nagara ka’dhinto. Reng-oreng se alako jahat sareng abdidalem epamosna’a dhari kotthana PANGERAN.


  Share Facebook  |  Share Twitter

 <<  Mazmur 101 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran