Dual Panel1Nyanyeyan ziyara. Abdidalem adhanga ka Junandalem, PANGERAN se marenta e sowarga.
2Akadi abdi se targantong ka lora lake’na, sareng kabula bine’ se targantong ka lora bine’na, saka’dhinto jugan abdidalem sadaja anante’ Junandalem, Guste ALLAH, Pangeran kaula, kantos Junandalem bellas ka abdidalem sadaja.
3Kaneserre abdidalem, GUSTE, kaneserre abdidalem sadaja, sabab abdidalem sadaja ampon eya-seya parana.
4Ampon cokop abdidalem ebi-cebbi oreng sogi, sareng eya-seya oreng sombong.