Dual Panel1Jaburra Daud. Kaagunganna PANGERAN bume ban saessena, dunnya ban mahlok se enneng e dhalemmanna.
2Pangeran se masang dhasarra e attassa tase’ raja, epamanjeng e attassa aeng se dhalem.
3Sapa se olle ongga ka Gumo’na PANGERAN, se olle maso’ ka Dalemma?
4Oreng se tadha’ calena pekkeran ban tengka gulina, se ta’ asompa palsu ban ta’ nyemba brahala.
5Oreng jareya se bakal eberkadana ban epasalamedda bi’ PANGERAN, ban enyata’agiya ta’ sala bi’ Allah.
6Kantha jareya oreng ngadhep ka Allah, se entar nyemba ka Allahna Yakub.
7Bukka’ palebar labang saketheng kona, Rato se molja bakal maso’a.
8Sapa Rato se molja jareya? Salerana PANGERAN se parjuga, PANGERAN se possa’ ban kobasa, se mennang e dhalem paperrangan.
9Bukka’ palebar labang saketheng kona, Rato se molja bakal maso’a.
10Sapa Rato se molja jareya? PANGERAN Se Mahakobasa, jareya Rato se molja!