Dual Panel1E taon se kapeng empa’ pamarenta’anna Yoyakim pottrana Yosiya e Yehuda, Barukh noles se edhikteyagi sengko’. Saellana jareya sengko’ abala
2ja’ PANGERAN, Allahna Isra’il, adhabu kantha reya, "Barukh,
3ba’na aserro kantha reya, ‘Palang onggu sengko’ reya! Tang kasossa’an ce’ bannya’na; bi’ PANGERAN gi’ etambai ban kasangsara’an pole. Sengko’ la lesso se aserro, tang odhi’ la ta’ taremtem sakale!’
4He Barukh. Sengko’, PANGERAN, teppa’na magujur apa se la epaddek bi’ Sengko’, sarta teppa’na adabu’ se etamen Sengko’. Sadunnya bi’ Sengko’ epakantha jareya kabbi.
5Arapa ba’na me’ menta eistimewa’agi? Ja’ kantha jareya, Barukh! Manossa kabbi bi’ Sengko’ eokom epakatebanan balai, dineng ba’na, paleng sakone’na ba’na bakal salamedda. Dha’ emma’a bai ba’na, ba’na bakal teptebba odhi’. Sengko’, PANGERAN, la ngoca’."