Alkitab Mobile SABDA
[VER] : [MADURA]     [PL]  [PB] 
 <<  Yesaya 31 >> 

1Palang oreng se entar ka Messer nyareya partolongan! Reng-oreng jareya ngandellagi kakowadanna angkadan perrangnga Messer ban pasukan jaranna sarta ran-jaranna se wat-kowat sarta karetana se bannya’. Tape reng-oreng jareya ta’ parcaja ka PANGERAN, Allahna Isra’il se socce, ban ta’ nyo’on bantowanna.

2Pangeran reya bicaksana, ngagali apa se elampa’agi. Salerana madhateng balai, ban mon ngara ngokoma oreng jahat sarta sapa’a bai se abanto oreng jahat, jareya tanto elampa’agi.

3Oreng Messer reya pera’ manossa, banne Allah. Jaranna mahlok biyasa, ta’ andhi’ sepat illahi. Mon PANGERAN apareng okoman, bangsa se aberri’ partolongan bakal tatandhunga ban bangsa se etolong bakal ngalotora. Se atolong ban se etolong bakal padha’a mate.

4Dhabuna PANGERAN ka sengko’, "Akantha macan se adherreng kaangguy teptep nyangkarem mangsana, ban ta’ bisa eko’-tako’e bi’ reng-oreng ngowan se rak-oragan otaba rat-tharadan se epadhateng epalabana ka macan jareya, bariya keya Sengko’, PANGERAN Se Mahakobasa bakal aperranga ban teptebba neggu’i Gumo’ Siyon.

5Akantha mano’ se kalembangnga ba’-kebba’an e attassa lebunna ajaga kasalameddanna dhu’-budhu’na, bariya keya Sengko’, PANGERAN Se Mahakobasa, bakal ngaobana, abilla’ana ban masalamedda Yerusalim."

6Dhabuna PANGERAN, "Bangsa Isra’il, ba’na la alaban ka Sengko’ ban dusa ka Sengko’. Tape sateya mara abali ka Sengko’!

7Bakal napa’a baktona ba’na kabbi mowanga ca-arca brahalana se dhari salaka ban emmas, se ekagabay ba’na dibi’ kalaban dusa se ce’ possa’na.

8Asyur epaancora e dhalem paperrangan, tape banne ban kakowadanna manossa. Asyur bakal buruwa dhari kennengnganna paperrangan, ngangodhadanna bakal epadaddiya dunor.

9Ratona bakal buruwa katako’en, para parwirana bakal padha’a takerjat, sampe’ bul-ombulla perrangnga edina kabbi." PANGERAN la adhabu, PANGERAN se esemba ban ehormat kalaban kurban obbaran e Yerusalim.


  Share Facebook  |  Share Twitter

 <<  Yesaya 31 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran