Dual Panel1Dhari dhalem tabu’na juko’ Yunus adu’a ka GUSTE Allahna. Atorra,
2"Adhu GUSTE, e dhalem kasossa’an ka’dhinto abdidalem aserro, ban Junandalem pas nyaot. Dhari dunnyaepon oreng mate abdidalem nyo’on partolongan, sareng Junandalem epeyarsa’agi ban ekabbuli.
3Junandalem melpallagi abdidalem ka kennengngan se dhalem, kantos ka dhasarra tase’ raja. E ka’dhissa’ abdidalem ekalenglenge aeng raja, sarta etal-ontallagi omba’.
4E dhalem ate abdidalem ngoca’: Bi’ PANGERAN sengko’ etondhung dhari ajunanna. Sengko’ ta’ kera nangale’e pole Padalemmanna se socce.
5Aeng tase’ ongga kantos gan bibir, tase’ raja notobi abdidalem sabadan, bulung tase’ alet-bulet e cethak.
6Abdidalem alonca’ kantos ka dhasarra pagunongan, ka alam se labang sakethengnga ekonci kantos aher jaman. Nyaba e dhalem dhadha arassa lesso, abdidalem pas emot ka Junandalem laju aserro. Daddi parnyo’onan abdidalem pas napa’ ka Junandalem, ka Padalemmannepon Junandalem se socce. Saamponnepon gapaneka abdidalem pas eangkes dhari dhalem tase’ sareng Junandalem, GUSTE!
7(2:6)
8Reng-oreng se nyemba ka brahala se tadha’ gunana, adinggallagi Junandalem, ta’ esto ka dhabuna.
9Namong abdidalem badhi anyanye amolja’agiya Junandalem sareng ngatorragiya kurban ka Junandalem. Sadajana janji sareng abdidalem ejalannagiya. Junandalem PANGERAN se apareng kasalameddan."
10Saellana jareya kalaban dhabuna PANGERAN bi’ juko’ gella’ Yunus eota’agi ka tenggangan.