Alkitab Mobile SABDA
[VER] : [MAKASAR]     [PL]  [PB] 
 <<  Mazmur 101 >> 

1Pammujina Daud. Erokka’ akkelong ri passala’ tamamminraNa siagang kaadelanNa, mae ri Katte, o, Batara, kelong pammujiku!

2Erokka’ amparhatikangi cara tallasa’na tau tenaya callanna. Angngapapi naKibattu mae ri nakke? Erokka’ attallasa’ matangkasa’ ri ballakku,

3tena nalakubalang parekang kaja’dallanga. Kukabirisi panggaukanna tau ta’gilinga, siagang tena kuero’ siurusu’ siagang ke’nanga.

4Taeroka’ a’gau’ jekkong siagang taeroka’ ampantamaki kalengku ri kaja’dallanga.

5Tau a’mere’-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

6Kungai tau tamamminraya pa’mai’na mae ri Allata’ala; akkullei ammantang ke’nanga ri ballakku. Tau tenaya callanna ri tallasa’na akkullei a’jari palayang mae ri nakke.

7Patipua takkulleai ammantang ri ballakku; paballe-ballea talattahangngai ri dallekangku.

8Allo-alloi lakupaccappu’ sikamma tau ja’dalaka ri anne pa’rasanganga. Sikontu tau manggaukanga kaja’dallang lakupa’lanynyaki battu ri kotaNa Batara.


  Share Facebook  |  Share Twitter

 <<  Mazmur 101 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran