Alkitab Mobile SABDA
[VER] : [MANGGARAI]     [PL]  [PB] 
 <<  Ibrani 8 >> 

Imam Mésé Reké Weru

1Icid sanggéd taung situt tombo dité weli ga: Ité manga Imam Mésé ata nenggituy, ata lonto oné racap wanang seriga de Mori Keraéng ata Mésé Tu’ung éta Surga.

2Hia ata gori keturu ného Imam Mésé oné osang nggeluk, ngong oné Lo’ang Nggeluk tu’ung ata pandé le Morin agu toé le manusia.

3Ai néténg Imam Mésé poli wérét latang te ba takung hélang agu ba podo nggere-oné Mori Keraéng. Nenggitu kolé Imam Mésé dité, Hia sékékn kéta te manga cao-ca latang te ba podo nggere-oné Mori Keraéng.

4Émé Hia manga oné lino ho’oy, Hia toé kéta manga kudut ciri Imam, ai cé’é ho’o poli mangan ata ba takung lorong Adak Taurat.

5Isé gori keturu oné ndéi ata ciri kuri agu nénu oné-mai apa ata manga oné Surga. Latang te hitu, poli tombon le Mori Keraéng agu hi Musa, du hia kudut pandé ndéi: “Idep di’a, hau paka pandé taung situ lorong toming Daku oné hau éta poco hitu.”

6Maik te ho’on ga Mori Yésus poli tiba keturu ata céwé mésé, ai Hia ciri Létang témba oné-mai reké ata céwé mengitn, ata ligéng le reké ata céwé mengitn kolé.

7Ai émé reké hitut laring cain toé manga celan, toé manga kawé kolén reké te suan.

8Ai Mori Keraéng poli jér isé le curup ho’o: “Cetu’ungn, te cai leson, Aku te pandé reké weru agu wa’u Israél agu wa’u Yéhuda.

9Reké hitu toé cama ného reké Daku oné empo disé, du Aku todang isé te pé’ang oné-mai tana Mesir. Ai isé toé manga junggud agu reké Daku.

10Ho’oy reké ata pandé Laku agu wa’u Israél du leso nggere-olon. Aku na’a Adak’G oné utek disé, agu tulis oné nai disé. Aku te ciri Mori Keraéng disé agu isé te ciri ro’éng Dakus.

11Agu isé toé ngancéng toing kolé cama ro’éngd, ko cama asé-ka’éd ali taé: Pecing koé Morim! Ai sanggéd taung isé, wan koé-étan tu’a, te pecing Akus.

12Ai Aku kudut ampongs sanggét sala disé agu pandé hémong taungs sanggéd ndékok disé.”

13Du tombo le Mori Keraéng reké weru hitu, ngong reké manga toé papé laing gi. Apa ata toé papé laing, ngong tiong te ampus gi.


  Share Facebook  |  Share Twitter

 <<  Ibrani 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel