Dual PanelDéré Disét Ontong
1Itug kali itan laku ca tanda lenget mésé bana éta awang. Manga pitud malékat ata ba pitud copél turung cemol. Hitus kali cemold rabo de Mori Keraéng.
2Ita kolé laku cao-ca ného tacik sereméng halok le api. Oné lupi tacik sereméng hitu, hesés sanggéd ata situt poli ontong dungkang kaka situ agu patungd agu angka ngasangn. Isé cau kecapi ata téing de Mori Keraéng.
3Itu kali étan lise déré de Anak Jimbal agu déré di Musa, mendi de Mori Keraéng hitu. Nggo’oy icin déré hitu: “Mésé agu lenget laing sanggéd gori Dité yo Mori, Mori Keraéng Ata Pu’un kuasa! Agil agu molor sanggéd salang Dité, yo Raja de sanggéd wa’u!
4Céing ata toé hiang Ite yo Mori, agu toé bong ngasang Dité? Ité kali ata nggeluk! Sanggéd wa’u te mai suju agu io Ités, ai si’ang keta agiln sanggéd beté-bicar Dité.”
Pitud Malékat Agu Pitud Piala Rabo De Mori Keraéng
5Poli hitu ita laku céngkay Mbaru Nggeluk éta Surga, ngong Ndéi Saka-si.
6Pitud malékat ata ba pitud copél situ, pé’ang oné-mai Mbaru Nggeluk. Malékat pitu situ sélék ceca hemél ata bakok mbot agu ndili-ndélap, oné pucud wolét kendik emas.
7Ca oné-mai patd kaka situ, téing oné malékat pitu situ, pitud piala emas ata penong ali rabo de Mori Keraéng.
8Itug kali Mbaru Nggeluk de Mori Keraéng penong le nus mengit agu kuasaN. Toé kéta manga cengatan ata ngancéng ngo boné Mbaru Nggeluk hitu, émé toé di cemol pitu copél ata ba le pitu malékat situ.