Alkitab Mobile SABDA
[VER] : [MANGGARAI]     [PL]  [PB] 
 <<  Wahyu 8 >> 

Roku Te Pitun

1Du Anak Jimbal nggé’i roku hitut te pitun, itug kali lik-mentuk éta Surga toé haéng ca jam béhéngn.

2Og itad laku pitud malékat ata hesé bolo-mai ranga de Mori Keraéng, agu isé tiba pitud terompét.

3Manga kolé cengata malékat ata ba dupa emas hesé bolo-mai compang. Oné hia téing kemenyan te keté dupa, kudut takung cama agu ngaji de sanggéd ata serani éta compang emas bolo-mai seriga hitu.

4Oné-mai limé de malékat hitu, nus de dupa hitu kembus nggere-éta Mori Keraéng, cama laing agu ngaji de sanggéd ata serani.

5Itug kali emin dupa hitu le malékat, na’a bonén le api wara oné-mai compang agu wéwéng nggere-oné lino. Itu kali dengén mpirang genggus mésé, wili-welok pasat agu nupung.

Pat Terompét Laring Cain

6Poli hitu, néténg malékat pitu situ cau terompét mengkek te tebangs.

7Du tebangn terompét le malékat hitut laring cain, rodo wéwéngs usang bua agu api ata halok le daray nggere-cé’é lino. Og kali muntung pati laing telus lino agu haju, agu ngkewus taungs sanggéd remang ta’a.

8Du tebangn terompét le malékat hitut te suan, manga cao-ca ného kéta poco méséy ata dila-haok ali api wéwéng nggere-oné tacik. Tacik hitu pati laing telus ciri daray,

9wiga ampus pati laing telus ici tacik agu kepaln.

10Du tebangn terompét le malékat hitut te telun, pa’u ca ntala mésé éta-mai awang dila-haok mana culuy, agu hena pati laing telus ngalor agu ulu waé.

11Ngasangn ntala hitu, Apsintus, ngong “Pa’it.” Pati laing telus waé ciri pa’its, agu dod ata mata le inung waé pa’it situ.

12Du tebangn terompét le malékat hitut te patn, capék pati laing telus mata leso, wulang agu sanggéd ntala, wiga mora pati laing telus nérad. Mora pati laing telus gérak de leso, nenggitu kolé wié.

13Itug kali itan laku ca ntangis ata lélap éta awang langkas agu mai taén cang agu kepokn, “Copél, copél, copél da’at isét ka’éng oné lino, émé dengé kolé runing terompét de telu malékat haéd.”


  Share Facebook  |  Share Twitter

 <<  Wahyu 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel