Dual PanelLangga Latangt Ata Bora
1Oé méut bora, rétang-nenepm ga, ai méu te hena le pa’it réa!
2Bora de méu poli waud, agu ceca paké de méu poli hang le pakotd!
3Emas agu pérak de méu penong le ta’i-upas. Ta’i-upa situ te ciri saka-si latang te dungkang méu, cama ného api te pandé muntung weki de méu. Méu poli nongko bora du leso turung cemol.
4Toé bajars le méu lahé data pala, ata poli nongko dani oné umas wiga sanggéd gesar agu kepok disé caing oné tilu de Mori Keraéng ata dédék tanan wa – béangn éta.
5Poli manten le méu mosé sogél oné lino ho’o, agu ciri ného jimbal becé ata ambi te mbelé du leso béte-bicar.
6Méu poli wahéng ngot mbelé ata molor agu isé toé ngancéng dungkang méu.
Ta’ong Susa
7Asé-ka’én, ta’ong koém dengkir cai de Mori! Damang lélo le méu, co’oy ta’ong data ciwal uma te géréng dani situt méséng oné-mai umad. Isé kolé ta’ong dengkir cai usang cekeng rencak agu usang cekeng wéla.
8Méu kolé paka ta’ong agu paka mberes nais, ai ruis dé te maig Morin!
9Asé-ka’én, méu néka jugut agu maja cama taus, boto wahéng le Mori Keraéng. Nuk dé, ho’o wa ranga gi Adak atat beté-bicar.
10Asé-ka’én, lorong agu tunti koé ta’ong susa de sanggéd nabi ata poli ba keréba le ngasang de Morin.
11Ité caro isé ata mosé di’a, ai isé poli ta’ong susa. Méu poli dengé latang te gepek di Ayub agu poli baén le méu apa ata ambi de Mori du cemol latang te hia. Mori hitu pu’un momang agu penong lembak nai.
Wada Agu Ngaji
12Asé-ka’én, ata mésén kéta: néka wada landing Surga, landing lino, ko landing le apa kaut. Émé éng, taé kaut éng, émé toé, taé kaut toé, kudut méu toé wahéng le Morin.
13Émé manga cengata oné-mai méu ata hena le susay, céwé di’an hia ngajiy! Émé manga cengata ata nisang nain, céwé di’an hia ngaji mazmury!
14Émé manga ata hena le beti, céwé di’an siro ata tu’a laing de weki serani kudut ngaji latang te hia agu luma le mina nggeluk le ngasang de Morin.
15Ngaji landing le imbi disé oné Morin Keraéng ngancéng ina laing beti data hitu. Émé ata beti hitu manga ndékokn, ndékok diha te ampongs.
16Landing hitu poro méu tura ndékoks agu ngaji cama taus, kudut méu inam. Ngaji data molor, mésé tu’ung kuasan agu manga cirn.
17Hi Élia manusia bon cama ného itéy. Hia ngaji tu’u-tu’ung kétay kudut néka cai usang, og kali usang hitu toé manga cain tédéng telu ntaung agu enem wulang.
18Poli hitu, ngaji kolé hia te tegi usang, og kali cain usang éta-mai awang wiga tana lino ho’o cir wuan.
19Asé-ka’é ata momang laku, émé manga ata wéléng oné-mai salang de Mori agu manga cengata ata pandé holés koléy hia,
20nuk di’a-di’a ho’o: céing ata pandé holés kolé ata ndékok oné-mai salang wéléngn, hia te pandé selamak wakar data hituy oné-mai mata, agu sanggéd ndékok data te ampong taungs le Mori Keraéng.