Alkitab Mobile SABDA
[VER] : [MONGONDOW]     [PL]  [PB] 
 <<  2 Korintus 5 >> 

1Sing kinota'auanbií nami kon aka baḷoi -- makusudnya awak naton -- inta pinogutunan naton kon dunia na'a bo rumbunon, yo posadia'anbií i Allah ing kita kom baḷoi inta kon soroga. Tampat inta pinomia i Allah tontanií bo inta diaí mogogoguya'at.

2Kon wakutu ing kom baḷoipa tatua, kita umuranbií mogamui sim mo'ibogdon totok mogutun kom baḷoi naton inta kon soroga.

3Baḷoi tatua in awak naton inta nobagu.

4Sin wakutu ing kom baḷoipa ilo-ilow na'a, kita tantuí mogamui sim mobogat totok in roriga inta mo'iantug. De'emanbií igu-igumon makow kom baí matoidon in awak naton ilo-ilow na'a, ta'e lantaranbií mo'ibogdon morasa kong kobiagan inta kon soroga tua, simbaí kobiagandon im mongawasa kon awak naton inta ilo-ilow na'a.

5Ki Allahbií in noposadia kon tua komintan, bo Siabií doman tua inta nobogoi in Roho-Nya ko'i naton saḷaku jaminan.

6Tuamai tantuíbií moropot ing gina nami. Kinota'auan bidon nami kon wakutu in nobiag kon dunia na'a, kami noyayukbií kom baḷoi inta pinogutunan nami takin i Tuhan.

7Sing kami nobiag no'idoyonbií kom pirisaya ko'i Kristus, de'emanbií no'idoyon kon onu inta ko'ontongan.

8Manangka intua kami umuran mosabar, bo mo'ibo-ibogdon monaḷaímai kon awak ilo-ilow na'a, simbaí mogutundon moyotakin i Tuhan.

9Tuamai kami totok moramiji moposanang kong gina i Allah, kon wakutu im mobiagpa kon dunia na'a ande kom baḷoi inta ain sinantuí i Tuhan.

10Sin notantuíbií kong kita in diaanbií kon tayowon pongadilan i Kristus, bo pomuḷoi intau motarimabií kon inta patus tarima'annya podudui oaíidannya ko wakutu ing kon duniapa na'a -- oaíid mopia andeka mora'at.

11Kota'auanbií nami mangale im mo'ondok ko'i Tuhan. Manangka intua kami moramiji simbaí pirisaya'an im bayongan intau. Totokbií ing kinota'auan i Allah ing kami na'a. Tuamai in haraponku ing kota'auan doman monimu ing kami.

12Diaíbií baí pujion monimu ing kami. Kami in tongaíbií mobogoi in alasan mopia simbaí mopia ing gina monimu ko'i nami, bo baí mota'au doman mo'ikow motubag kon singog in intau mita inta tongaí momilií kom pogot, de'emanbií oaíidannya in indoian.

13Sin aka kami bo naí diaídon moratak, yo tua in lantaranbií kopontingan i Allah, ta'e aka kami bo moratak ing ko'ontongan, yo tua in lantaranbií mo'ikow.

14Tabibií i Kristus in nongawasa ko'i nami, bo kino mangalean bidon nami kon aka tobatuí intau inta aim minatoi sim motobus kon taḷaí im bayongan intau, yo tua im mangalenya komintan intau aim bidon minatoi.

15Bo ki Kristus minatoi sin lantaran motobus kon taḷaí im bayongan intau, simbaí intau mita inta nobiag diaídon tongaí asaḷ bo nobiag bo motayak kong kopontingannya tontanií, ta'e po'unabií ing kopontingan i Kristus inta aim minatoi bo biniagdon bui sing kopontingan monia.

16Manangka intua, kami diaíbií monilai kon intau podudui in raian intau. Aka kolipod bo pernah ing kami nonilai ko'i Kristus podudui in raian intau, yo masa intana'a in diaí bidon natua.

17Intau inta notobatuídon i Kristus in totu-totu'u bidon sinomobagu. Inta ain nokoyongan diaí bidon, komintan bidon sinomobagu.

18Tua komintan in inaidanbií i Allah. Ki Kristus tua inta pinakeí i Allah nobalií tonsigad nopoyodame takin-Nya. Onda intua Sia nopotabaí ko'inami simbaí intau mita ibanea mota'au doman mamangoi moyodame takin i Allah.

19Kami nopota'au kong ki Kristus binalií bidon i Allah tonsigad simbaí intau mota'audon mamangoi moyodame takin-Nya. Tua komintan inaidan i Allah sin diaí bidon pinononggina-Nya makow im bayongan taḷaí inta ain inaidan intau ko'i-Nia. Bo Siabií doman tua in nobogoi oaíidan ko'inami mopoyaput in habar mita tatua.

20Daí kami na'a in totabaíbií mita i Kristus inta pinakeí doman i Allah mopoyaput ing koyow-Nya ko'i monimu. Tuamai podoyon nami kon tangoi Kristus, kami mopo'igum simbaí mo'ikow mo'ibogdon motarima kon totabi i Allah inta mobogoi ing kasampatan ko'i monimu mopopia'an takin-Nya.

21Sin Sia inta nodarit kon sigaḷa oaíid inta diaí mopia, pinakeí domandon i Allah mobaba kom bayongan dosa naton, simbaí kita buidon mobiag motompia takin i Allah sin notobatuídon i Kristus.


  Share Facebook  |  Share Twitter

 <<  2 Korintus 5 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran