Dual Panel1Mo'ikow nion ki adií mita i Allah inta kinotabi-Nya, tuamai mo'ikow musti dumudui kon onu inta ko'ibog i Allah.
2Kobiagbií takin oyuíon tabi, naí ki Kristus motabi ko'i naton. Sia norelabií im matoi sing kopontingan naton. Sia nobalií tobatuí sosumbah inta totok im mobondu bo inta mokosanang kong gina i Allah.
3Mo'ikow nion umat i Allah, tuamai aid mita inta mokotor bo inta diaí patus aidan, andeka ibog inta mo'iliu dika aidan kon sigad monimu simbaí diaí in dodoyonan intau mita kom mopotaḷaí ko'i monimu.
4Naí doman tua, dika mosingog kon inta moromuí, inta mokotor bo inta diaí im baragunanya. Ta'e mo'ikow im mustidon mopoyaput in sukur ko'i Allah.
5Torop in singogku tana'a: intau inta mokotor in oaíidnya, andeka inta mogaid kon inta diaí patus aidan, andeka ibog inta mo'iliu (aid natua notongkaibií in aid mosumbah kom berhala ibanea), daí intau mita natua in diaíbií baliíon umat inta pinarenta'an i Kristus bo i Allah.
6Dona'ai mo'ikow koaíkaḷan in singog mita inta diaí im baragunanya. Sin soaáḷbií mita natua inta mokopomukaí kon saki ing gina i Allah kon intau mita inta diaí motoindudui ko'i-Nia.
7Manangka intua dikadon moyobayat in intau mita natua.
8Mo'ikowpa tontanií kolipod mobiag doman kon sindip. Ta'e tana'a mo'ikow nobaliídon umat i Tuhan, mangalenya kon tua, mo'ikow kom bonudon im bayag. Tuamai mo'ikow mustidon mobiag kom bonu im bayag.
9Sin nongkon bayag tuata momukaí im bayongan oaíid inta mopia, motulid bo mobiag totu-totu'u kon tayowon i Allah.
10Poramijidon monota'au kon onu inta mokosanang kong gina i Allah.
11Dika mogaid kon soaáḷ mita inta diaí baraguna naí inta inaidan in intau mita inta nobiag kom bonu in sindip. Ta'e inggama'aibií in aid mita inta diaí mopia natua.
12(Sin onu inta inaidan monia inta inumuni-uni tua, biarkah tongaí o'uman yo moko'oyakdon.)
13Bayongan yagi-yagi inta kinodoií im bayag, modaitbií ko'ontongan, sim bayagbií im mopo'ontong kom bayongan yagi-yagi simbaí mosilang.
14Tuamai singog nana'a: "Pobangondon, mo'ikow inta nosiug, bo pobangondon nongkon sigad intau minatoi! Daí sambayanganbií i Kristus im mo'ikow."
15Manangka intua, tarukiradon kopira mongo naonda ing kobobiagmu. Dikabií naí intau mita bodok, ta'e kobiagbií naí intau mita mobijaksana.
16Pakeídon kopia ing kasampatan inta oyuíon ko'i monimu, sim masai'n tana'a im masa bidon inta mora'at.
17Dika mokopobodok, ta'e tayakdon kopira mongo onu ing kino ibog i Tuhan.
18Dona'ai mo'ikow moḷoḷangu in anggur, sin tua im mokogoguya'at ko'i monimu, ta'e ramijidon baí Roho i Allah im mongawasa ko'i monimu.
19Pakeídon in singog mita inta nongkon Mazmur, manyanyi inta pinodayow ko'i Allah bo manyanyi rohani, ko wakutu im mo'ikow moyosingog. Kosanang ing gina bo momanyanyi in dodayow ko'i Tuhan.
20Umurandon mo'ikow mopoyaput in sukur ko'i Allah, ki Amaí naton kom bayongan yagi-yagi podoyon kon tangoi Yesus Kristus, ki Tuhan naton.
21Untuk mohormat ko'i Kristus, daí mo'ikow mustibií mosiduduian.
22Buḷoi bobay kotoinduduidon ko'i buḷoimu, naí kototoinduduimu ko'i Tuhan.
23Sing ki buḷoinya ḷoḷaki tua in tongguḷu i buḷoinya, naí ki Kristus inta nobalií tongguḷu in jama'at bo Raja doman inta Mopoposaḷamat kon jama'at inta nobaliídon awak-Nya.
24Tuamai naonda bo jama'at inta musti motoindudui ko'i Kristus, yo musti doman natua im buḷoi bobay, kom bayongan yagi-yagi musti in sia motoindudui ko'i buḷoinya.
25Buḷoi ḷoḷaki musti motabi ko'i buḷoinya, naí doman tabi i Kristus kon jama'at inta dapot in noposarahkan in awak-Nya sing kopontingan in jama'at tatua.
26Inaidan i Kristus intua simbaí mota'au-Nya daritan in jama'at tatua takin totunduí-Nya bo takin tubig inta pobaptis, simbaí mota'audon posarahkan-Nya ko'i Allah.
27Mangalenya kon tua, ki Kristus noposadia in jama'at kinotompia kon tayowon i Allah, takin diaí ing kakurangan andeka inta mota'au hojaton in intau ibanea.
28Daí mustibií doman natua im buḷoi ḷoḷaki, musti in sia totou-totu'u motabi ko'i buḷoinya naí kototabinya kon awaknya tontanií. Intau inta motabi ko'i buḷoinya bobay, mangalenya kon tua, sia motabi kon awaknya tontanií.
29(Diaíbií dodai onda intau mosakií ing gina kon awaknya tontanií. Ta'e tompia'an bo ḷukadannyabií naí doman ki Kristus monompia kon jama'at-Nya.
30Kinota'auanbií naton intua, sing kita in anggota mita in awak i Kristus.)
31Kom Buk Mosuci aim pinais nana'a, "Manangka intua tobatuí ḷoḷaki monaḷaímai ko'i amaí bo ko'i inaínya sim motobatuídon i buḷoinya, bo taya dua im motobatuídon."
32Modaḷombií totok mangale in ayat tana'a, makusudnya in hubungan i Kristus bo jama'at.
33Ta'e ayat tana'a noyohubung doman i monimu: Tuamai kotabibií ing ki buḷoimu naonda bo kototabimu kon awakmu tontanií, naí doman tua, buḷoi bobay musti tantuí moramiji mohormat ko'i buḷoinya.