Alkitab Mobile SABDA
[VER] : [MONGONDOW]     [PL]  [PB] 
 <<  Roma 11 >> 

1Aku'oi moliboí: Degaí sinaḷaíandon i Allah in umat-Nya tatua? Diaíbií! Sin aku'oipa na'a intaubií doman Israel nongkon katurunan i Abraham, bo nongkon suku i Benyamin.

2Diaíbií sinaḷaían i Allah in umat-Nya inta aim pinilií-Nya muna-munamai. Bo kinota'auan bidon monimu onu inta pinoguman kom bonu im Buk Mosuci soaáḷ ki Elia, wakutu in sia nopongadu ko'i Allah soaáḷ Israel. Ki Elia noguman nana'a,

3"Tuhan, nabi-Mu mita ain ilimod monia, bo meja mita inta pototuduan kon sosumbah ko'i-Nimu aim pinoguya'at monia. Dongkadon aku'oi tontanií in nobiag bo ramijion doman monia limodon in aku'oi."

4Onu im pinotubag i Allah ko'i Elia? "Pitupa noribu intau in sinaḷaían sing gamaían-Ku mobalií kapunya'an-Ku. Mosia tua inta diaí kon dodai onda nosumbah ko'i Ba'al."

5Natua doman mobalií tana'a makow: Oyuíonpa doman topilik in intau mita inta aim pinilií i Allah sim barakat-Nya.

6Ki Allah nomilií ko'i monia sim pinodoyon kon tabi-Nya, de'emanbií pinodoyon kon aid monia. Sin aka Sia nomilií ko'i monia pinodoyon kon aid intau, daí tabi tatua in de'eman bidon totu-totu'u tabi.

7Daí naonda degaí? Intau Israel diaí noko'ulií kon onu inta sinayak monia. Tongaíbií topilik in intau mita inta aim pinilií i Allah in noko'ulií. Intau mita ibanea aindon notogat ing gina monia mokodongog kon oinií i Allah.

8Sing kom bonu im Buk Mosuci aim pinais nana'a, "Pinomiadon i Allah im mosia naonda bo nosiug; bo dapot kon singgai na'a mata monia diaí moko'ontong bo bongoḷan monia diaí mokodongog."

9Ki Daud noguman doman nana'a, "Pomayakdon makow in rame monia tua mobalií naonda bo poyogaḷap ko'i monia tontanií bo mobalií bubuí inta koḷabuían monia bo morimumud!

10Bo pomayakdon makow mata monia mobilog, sahingga i mosia diaí moko'ontong; bo pomayakdon makow mosia tantuí mobungkut."

11liboíonku doman: Wakutu intau Yahudi noḷabuídon, yo degaí nobalií intua simbaí mosia morimumud? De'emanbií natua! Ta'e lantaranbií mosia ain nogaid kom mokobaradosa, manangka intua intau mita ibanea pinosaḷamat, sahingga intau Yahudi no'intoi kom bangusa mita ibanea tua.

12Lantaran intau Yahudi kotaḷaí bo doií dumudui kong ko'ibog i Allah, daí intau mita ibanea binarakatan i Allah. Apa doman hubungan bangusa Yahudi bo i Allah motompiadon bui; tantuí lebebií moḷoben im barakat ogoi i Allah ko'i monia!

13Tana'a aku'oi mogumandon ko'i utat mita inta de'eman intau in Yahudi! Saḷaku rasul kon intau mita de'eman Yahudi, totokbií in junjungonku in oaíidanku tana'a.

14Haraponku makow aku'oi mokopomukaí kon intoi kon intau mita tobangusaku, sin aka natua yo mota'au posaḷamatonku in tongonumai intau nongkon i monia tua.

15Sim mosia ain sinolak i Allah, daí hubungan in intau kon dunia na'a takin i Allah motompiadon bui, apadoman aka mosia tarima'an i Allah! Tantuí tua in notongkaibií naonda bo intau minatoi inta nobiagdon bui!

16Aka roti tobatuí inta muna bo ain inogoi ko'i Allah, yo tua mangalenya bayongan roti tatua inogoidon komintan ko'i Allah doman. Bo aka uakat im pangkoinya kapunya'an i Allah, daí mangalenya kon tua, tanganya mita ing kapunya'anbií doman mita i Allah.

17Tosilai in tanga mita ing kayu Zaitun -- tuata intau mita in Yahudi -- aim pinongkoí. Bo kom paḷot im pinomongkoían tatua pinopocangkokdon in tanga im pangkoi zaitun ḷoḷog, tuata ing ki utat mita inta de'eman Yahudi. Ki utat pinopocangkokdon kon tua simbaí ki utat mokorasa kom bayongan inta mopia nongkon kobiagan pirisaya in intau mita Yahudi.

18Tuamai dikabií im mo'ikow diaí mopandung kon tanga mita inta aim pinongkoí tatua. Toropbií kom mo'ikow in tongaíbií tanga. De'emanbií tanga im mobogoi ing ka'anon kon uakat, ta'e uakatbií im mobogoi ing ka'anon kon tanga mita.

19Ta'e ki utat moguman degaí nana'a, "O..o.., ta'e tanga mita tatua pinongkoí simbaí aku'oi mota'au popocangkok kom pangkoinya!"

20Totu'ubií intua. Ta'e mosia in iḷumbuí sin diaí mopirisaya, bo mo'ikow in sinarima sim mopirisaya. Daí tuamai in dikabií dumodia i mo'ikow sin sinarimadon; mo'ikow i mustibií motogu'ondok.

21Sin aka ki Allah bo diaí motabi im moḷumbuí kon intau mita in Yahudi inta pinoumpama tanga totokea tua, yo dikabií kai monimukamai oyuíonbií in tabi-Nya moḷumbuí ko'i monimu!

22Daí kon na'a kino'ontongandon naton ing koḷoḷoben in tabi i Allah bo kototogat doman gina-Nya. Diaíbií irekeng-Nyamai mopoḷabuí in hukuman ko'i monia inta binaradosa, ta'e Sia totok doman mopia ko'i utat, asaḷ bo ki utat umuran mobiag nongkon kopopia-nya. Aka diaí yo ikow in ḷumbuíon-Nyabií doman.

23Bo soaáḷ mita intau Yahudi tatua, aka mosia bo mopirisayadon bui, daí tarima'an bidon bui, sing kawasabií i Allah im motarima bui ko'i monia.

24Ikow inta de'eman nongkon bangusa Yahudi in naonda bo tanga nongkon pangkoi in zaitun ḷoḷog. Daí aka ikow inta noyoposi in sipatmu bo nota'au pinopocangkok kom pangkoi in zaitun totokea, daí apadoman intau mita Yahudi inta pinoumpama tanga mita im pangkoi zaitun inta totokea tatua. Tantu mogampa-gampangbií i Allah im mopoyobui ko'i monia kom pangkoinya tontanií.

25Utat mita! Haraponku makow mo'ikow diaí monganggap kon ain nonota'au kom bayongan yagi-yagi. Sin oyuíon in soaáḷ inta kino ibog i Allah, ta'e diaípa kinota'auan in intau. Bo ibogonku kota'auan monimu intua; nana'a: tongo'botak intau Yahudi mokopotogat kong gina, ta'e cara monia tua in tongabií modapot im motompodon ing kobayong in intau inta de'eman Yahudi im mamangoi ko'i Allah.

26Sahingga im bayongan intau Yahudi posaḷamatonbií sing kom bonu im Buk Mosuci aim pinais nana'a: "Raja Mopoposaḷamat mamangoi nongkon Sion; Sia im momopatbií kom bayongan aid mora'at kong katurunan i Yakub.

27Aku'oi nogaid kon dodandian takin i monia kowakutu Aku'oi nongampung kon dosa mita monia."

28Lantaran intau Yahudi doií notarima kon Habar Mopia nongkon i Allah, daí mosia nobalií saturu i Allah; bo tua in nobalií bidon ka'untungan monimu inta de'eman intau Yahudi. Ta'e lantaran mosia bo aim pinilií i Allah, daí mosia umuran kinotabi i Allah sin lantaran mogoguyang monia.

29Sin aka ki Allah momilií kon intau bo mobogoi im barakat kon intau tatua, yo diaíbií dodai onda Sia mogamaí bui kon onu inta aim pinomia-Nya.

30Kolipod mo'ikow diaí motoindudui ko'i Allah. Ta'e tana'a pinonyatadon i Allah kom mo'ikow im pinilatandon nongkon taḷaí monimu, sin lantaran intau Yahudi diaí motoindudui.

31Natuabií doman in intau mita Yahudi tatua. Tana'a makow mosia diaí motoindudui ko'i Allah, simbaí mo'ikow ponyata'an kon nobebasdon nongkon taḷaí. Ta'e bain mosia doman im ponyata'an doman kon nobebasdon nongkon taḷaí.

32Sing ki Allah nopomayakdon makow kom bayongan intau kinawasa'andon in aid mita inta diaí motoindudui, simbaí Sia mota'au mopo'ontong in tabi-Nya ko'i monia komintan.

33Totu'u motoyang tabi i Allah! Totu'u doman moḷoben ing kabijaksana'an bo pongotahuan-Nya! Ki inebií im mokosolidik kong kaputusan-Nya mita tatua? Ki ine doman im momangarti kom pogogaid-Nya?

34Kom bonu im Buk Mosuci aim pinais nana'a, "Ki ine in nonota'au kon raian i Tuhan? Ki ine im mota'au mononggina ko'i-Nia?

35Ki inebií im pernah nobogoi kon onukadon ko'i-Nia, sahingga in Sia musti monoliu kon tua?"

36Ki Allah in nomia kom bayongan yagi-yagi. Komintanbií nongkon i Allah bo pinomakusudbií doman ko'i-Nia. Dinayo-dayowdon ing ki Allah nodapot ing kopaḷutan dunia na'a! Amin.


  Share Facebook  |  Share Twitter

 <<  Roma 11 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel