Dual Panel1No'iduduimai kon tua aku'oi noko'ontong kon litodan buk kon lima koḷanan i Intau inta ilimituí kon tampat pomomarenta'an tatua. Buk tatua nopuling im pais kom posi-ḷosi bo kinompitan im meterai pitu.
2Bo aku'oi noko'ontong kon tobatuí malaekat inta motorindog totok nomaḷuí noropot totok nana'a: "Ki ine i mota'au mobukaí kon litodan im buk tana'a bo mobuka kom meterainya mita?"
3Ta'e pinomayak kon soroga, ande kon dunia na'a, ande kon limonag im butaí Diaíbií tobatuímai intau nokosanggup nobukaí kom buk tatua, bo no'indoi kom bonunya.
4Daí nongombaḷ in aku'oi takin kuyang ing gina sin diaí tobatuímai intau im patus mobuka kom buk tatua bo mo'indoi kom bonunya.
5Bo tobatuí in intau nongkon sigad in itoi mita tatua noguman ko'inakoí, "Dona'ai mongombaḷ! Indoiai! Singa nongkon suku in Yohuda, katurunan i Daud inta moḷoben, ain no'untung. Sia mokosanggup moḷosi kom meterai pitu tatua bo mobukaí kom buk tatua."
6No'iduduimai bui kon tua aku'oi noko'ontong kon tobatuí ki Adií in Domba sinimindog kon yuaí-yuaík in tampat pomomarenta'an tatua bo ilibu im mahaḷuk opat bo bayongan itoi tatua. Ki Adií in Domba tatua naídon onda bo ain irataí. Pitu in tungoi-Nya bo pitu doman i mata-Nya. Tuata in Roho i Allah inta aim pinotabaí-Nya kom bayongan dunia na'a.
7Onda intua ki Adií in Domba tatua inumuna bo nogamaí kon litodan buk tatua nongkon lima koḷanan i intau inta ilimituí makow kon tampat pomomarenta'an tatua.
8Koyogot ing ki Adií in Domba tatua nogabat kon litodan im buk tatua, sinumungkudon im mahaḷuk opat tatua takin itoi mita doyowa nopuḷuh bo opat kon tayowon-Nya. Mosia notukid ing kecapi bo palo buḷawan inta binonuan ing kamaya, tuata in sambayang mita in umat i Allah.
9Mosia nopomanyanyi in tobatuí manyanyi mobagu, nana'a: "Ikow im patus mogamaí kom buk tatua bo moḷosi kom meterainya mita. Sin Ikow ain ilimod, bo duguí-Mu tatua, pinoguboli-Mu kon intau nongkon bayongan suku, bahasa, negara bo bangusa sin ogoi ko'i Allah.
10BinaliíMudon im mosia tobatuí karaja'an inta nobalií imang mita, simbaí mosia mogaid kon oaíidan i Allah naton, bo momarentah kon dunia na'a."
11No'iduduimai oyuíon in inontongku bui. Aku'oi nokodongog kon singog im malaekat inta ribuan sedang bo juta'anbií ing kobayongea. Mosia sinimdog ilimibu kon tampat pomomarenta'an bo kom mahaḷuk opat tatua takin itoi mita tatua.
12Bo mosia nomanyanyi noropot nana'a: "Ki Adií in Domba inta ain irataí tatua, patusbií motarima kong kawasa, kakaya'an, kabijaksana'an bo kakuatan. Sia patusbií hormaton, poḷantudon bo dayo-dayowon!"
13Bo aku'oi nokodongog kom bayongan mahaḷuk kon ḷangit, kom butaí, kon limonag im butaí; kom bonu in dagat -- singog mopoḷok makow bayongandon mahaḷuk kon dunia na'a, nomanyanyi nana'a: "Sia inta ilimituí kon tampat pomomarenta'an tatua bo ki Adií in Domba tatua, mosia tuata inta popoyaputan im bayongan dodayow, hormat, poḷantudon bo mokawasa solama-lamanya!"
14Daí mahaḷuk opat tatua notubag: "Amin!" Bo itoi mita tatua sinumungkud bo nosumbah.