Alkitab Mobile SABDA
[VER] : [SIMALUNGUN]     [PL]  [PB] 
 <<  2 Raja-raja 2 >> 

Tarangkat si Elias hu Nagori Atas

1Sanggah na sihol alopon ni Jahowa si Elias hu nagori atas marhitei halisungsung, bingkat ma si Elias pakon si Elisa hu Gilgal.

2Dob ai nini si Elias ma hu bani si Elisa, “Tading ma ho ijon, ai isuruh Jahowa do ahu laho hu Betel.” Tapi nini si Elisa ma, “Songon sintongni manggoluh Jahowa, anjaha manggoluh homa ham, seng anjai tadingkononku ham.” Jadi tuad ma sidea hu Betel.

3Dob ai luar ma susian ni nabi na i Betel marayak si Elisa, nini sidea ma hu bani, “Domma ibotoh ham na sihol angkaton ni Jahowa ma tuanmu sadari on hun lambungmu?” Jadi nini ma, “Eak, domma hubotoh, sip ma nasiam!”

4Nini si Elias ma use hu bani, “Mahua tading ma ho ijon Elisa, ai isuruh Jahowa do ahu hu Jeriko.” Tapi nini si Elisa ma, “Songon sintongni manggoluh Jahowa, anjaha manggoluh homa ham, seng anjai tadingkononku ham.” Jadi das ma sidea hu Jeriko.

5Dob ai roh ma susian ni nabi na i Jeriko marayak si Elisa, nini sidea ma hu bani, “Domma ibotoh ham, na sihol angkaton ni Jahowa ma tuanmu sadari on hun lambungmu?” Jadi nini ma, “Eak, domma hubotoh, sip ma nasiam!”

6Nini si Elias ma use hu bani, “Mahua tading ma ho ijon, ai isuruh Jahowa do ahu hu Jordan.” Tapi nini ma, “Songon sintongni manggoluh Jahowa, anjaha manggoluh homa ham, seng anjai tadingkononku ham.” Jadi rap mardalan ma sidea na dua ai.

7Dihut do homa lima puluh halak hun bani susian ni nabi ai laho, tapi mandaoh-daoh do sidea jongjong hun bani sidea, sanggah na das ai na dua nabi ai i topi ni Bah Jordan.

8Dob ai ibuat si Elias ma mantelni, isorpih ma ai, dob ai ibogbogkon ma hu bah ai, gabe manilah ma bah ai hu bornoh pakon hu buntu, jadi boi ma sidea na dua mandipar bani na horah.

9Jadi dob mandipar sidea, nini si Elias ma hu bani si Elisa, “Pangindo ma hu bangku barang aha do sibahenonku bam, paima tarangkat ahu hunbam.” Nini si Elisa ma, “Dua lompit ma namin hun bani tonduymu sogop hu bangku.”

10Nini si Elias ma mambalosisi, “Na borat tumang do na pinindomai; ai pe anggo iidah ho do tarboan ahu hun lambungmu, sai dapot ho ma ai, tapi anggo seng iidah ho ahu, seng dapot ho ai.”

11Jadi sanggah na mardalan ai sidea anjaha marsahapi, tonggor ma, roh ma sada gareta apuy pakon huda apuy, manirang sidea na dua. Jadi naik ma si Elias hu nagori atas marhitei halisungsung.

12Dob iidah si Elisa ai, dilo-dilo ma ia, “Bapa! bapa! Gareta ni Israel pakon siajak hudani!” Dob ai seng iidah be ia. Dob ai ibuat ma hiouni anjaha iribaki ma ai bolah dua.

13Ibuat ma mantel ni si Elias na madabuh ai hu bani; mulak ma ia, anjaha jongjong ma ia i topi ni Bah Jordan.

14Dob ai ibuat ma mantel ni si Elias na dob madabuh ai, ilibaskon ma ai hu bani bah ai, anjaha nini ma, “Ija do nani Jahowa, Naibata ni si Elias?” Jadi dob ilibas bah ai manilah ma bah ai hu bornoh pakon hu buntu; jadi mandipar ma si Elisa.

15Jadi dob iidah susian ni nabi na i Jeriko hun dipar bah ai na masa ai, nini sidea ma, “Domma sogop tonduy ni si Elias hu bani si Elisa.” Dob ai ialo-alo sidea ma ia, anjaha manrogop hu tanoh laho manombahsi.

16Dob ai nini sidea ma hu bani si Elisa, “Tonggor ma, adong do na mangkasomani juakjuakmu on lima puluh halak na gogoh; mahua ma na suruh sidea mangindahi tuanmu; ra iboan Tonduy ni Jahowa do ia, anjaha idabuhkon ia use i atas ni sada dolog atap bani sada habungan.” Tapi nini si Elisa ma, “Ulang suruh nasiam sidea.”

17Tapi halani sai iompot sidea mangelek-eleksi, jadi nini ma, “Suruh nasiam ma sidea!” Jadi isuruh sidea ma lima puluh halak mangindahi tolu ari dokahni, tapi seng jumpah sidea ia.

18Jadi sanggah na mulak ai sidea hu bani, si Elisa i Jeriko ope ia ijia tading, nini ma hu bani sidea, “Ai lang domma huhatahon hinan bani nasiam, ʻUlang suruh nasiam sidea laho?ʼ”

Halongangan na Masa bani Bah na i Jeriko

19Dob ai nini dalahi na i huta ai ma bani si Elisa, “Tonggor ma, dear do namin parianan ni huta on, songon na boi idahon ni tuannami; tapi lang dear bah, anjaha seng lambut tanoh on.”

20Nini ma, “Boan nasiam ma hu bangku sada pinggan na bayu, nahkon nasiam ma hubagas garam.” Jadi iboan sidea ma hu bani pinggan ai.

21Dob ai laho ma ia hu sumbul ni bah ai, anjaha iuseihon ma garam ai hujai, lanjar nini ma, “Sonon do hata ni Jahowa, domma dear bah on Hubahen; seng roh be hamateian barang na saburan rudang hunjon.”

22Jadi dear ma bah ai inumon ronsi sadari on, romban hu bani hata na hinatahon ni si Elisa.

Dakdanak na Jungkat i Betel

23Dob ai tangkog ma si Elisa hunjai laho hu Betel; jadi sanggah na tangkog ai ia hu huta ai, luar ma dakdanak hun huta ai manreheisi, nini sidea ma, “Tangkog ma ho, alo palpal ulu! Tangkog ma ho, alo palpal ulu!”

24Dob ai marhusor ma si Elisa; jadi dob iidah sidea, ipapai ma sidea marhitei goran ni Jahowa. Dob ai luar ma dua gipul hun harangan ai, anjaha iparsilbak ma ompat puluh dua halak hun bani dakdanak ai.

25Hunjai laho ma ia hu Dolog Karmel, anjaha hunjai mulak ma ia hu Samaria.


  Share Facebook  |  Share Twitter

 <<  2 Raja-raja 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel