Alkitab Mobile SABDA
[VER] : [SIMALUNGUN]     [PL]  [PB] 
 <<  2 Tesalonika 3 >> 

Pangindoan ni si Paulus ase Itonggohon Kuria ai Ia; Sipaingatni bani Kuria

1Ambahni ai, nasiam sanina, tonggohon nasiam ma hanami, ase rarat hata ni Tuhan in anjaha marsangap songon na bani nasiam,

2anjaha hanami maluah humbani halak na jungkat anjaha na jahat, ai seng haganup halak porsaya bani Ambilan Na Madear.

3Tapi hatengeran ni uhur do Tuhan in, pargogohan-Ni do nasiam anjaha ondingan-Ni dompak hajahaton.

4Anjaha tenger do uhurnami bani Tuhan in pasal nasiam, paboa horjahonon nasiam do na hinatahonnami bani nasiam, sonari age hu lobeian on.

5Sai itogu-togu Tuhan in ma uhur nasiam marholong songon Naibata, ampa marhasabaron songon Kristus.

6Tapi ibagas goran ni Tuhanta Jesus Kristus, nasiam sanina, ipaingat hanami ma nasiam, sai surut ma nasiam humbani sanina na so torsa marparlahou, na so mangihutkon podah, na jinalo nasiam hun bennami.

7Ai ibotoh nasiam sandiri do, sonaha patut usihan nasiam hanami, ai sedo na so torsa marparlahou hanami i tongah-tongah nasiam,

8seng dong ipangan hanami ruti ni atap ise pe seng margalar, tapi loja anjaha sunsah do hanami marhorja arian pakon borngin, ase ulang adong humbani nasiam na isunsahi hanami.

9Sedo na so marhak hanami namin pasal ai, tapi mambere usihan do hanami bani nasiam marhitei parlahounami ibagas ai.

10Ai age sanggah rap ope hanami pakon nasiam, domma iaturhon hanami bani nasiam, “Barang ise na so ra marhorja, ulang ma ia mangan.”

11Ai tarbogei do bannami, paboa adong do deba humbani nasiam, na so torsa parlahouni, na so ra marlahoan, tapi mangkorjahon na so horja do.

12Bani halak sisonai ai iparentahkon anjaha ipalumba hanami ma ibagas Tuhan Jesus Kristus, marhorja ma sidea nunut, sinarini ma ipangan!

13Tapi nasiam sanina, ulang ma marnaloja nasiam mambahen na madear!

14Anggo adong na manjua mambalosi hatanami na tarsurat on, pardiatei nasiam ma ia, ulang ma ra nasiam marsaor pakonsi, ase maila ia.

15Ulang songon munsuh ia ihira nasiam, tapi palumba nasiam ma ia songon sanina.

16Tuhan Sipardamei in ma mambere damei bani nasiam tongtong marhitei haganup pambahenan-Ni! Tuhan in ma mangkasomani nasiam!

17Ahu, si Paulus, manurat hata tabi on marhitei tanganku sandiri. Sonon do tanda tanganku bani sagala suratku, sonon do suratku.

18Idop ni uhur ni Tuhanta Jesus Kristus ma mangkasomani nasiam haganup!


  Share Facebook  |  Share Twitter

 <<  2 Tesalonika 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran