Alkitab Mobile SABDA
[VER] : [SIMALUNGUN]     [PL]  [PB] 
 <<  Ayub 7 >> 

Sambat ni Balos ni Si Job; Borat ni Goluh on

1“Ai lang borat do horja ni jolma i tanoh on, anjaha lang songon ari-ari ni sada halak gajian do ari-arini?

2Songon jabolon na mangindo marlinggom-linggom, songon sada gajian na paima-imahon gajini,

3sonai do itontuhon bangku bulan hamagouan, anjaha borngin hangaluton do ipasirsir bangku.

4Anggo laho modom ahu, ningku do, ʻAntigan pe ahu puho?ʼ Tapi borngin ai pe ngolngol do, loja ahu, marguling-guling ahu das bani na siang ari.

5Bingaon anjaha lingkorangan badanku ganup, maripos-ipos hulingkulingku, dob ai malala use.

6Podasan do habang ari-aringku ase tuldak, anjaha magou-magou sonin, seng dong siarapkonon.

7Ingat ma, sahali tumang do goluhkon; seng idahon ni matangku be na madear.

8Panonggor ni na manorih ahu, seng be idahonni ahu, pindahan ni panonggormu ma ahu, hape seng ijin be ahu.

9Songon hombun na habang lanjar salpu, sonai do halak turun hu nagori toruh, seng tarbahensi tangkog be hunjai.

10Seng anjai mulak be ia hu rumahni, seng itandai iananni be ia.

11Ai ma ase seng tartutup ahu pamanganku, marsahap uhurhu halani hasosakan ni uhurhu, tangis uhurhu halani hasosakan ni tonduyhu.

12Ai laut ahu barang naga, ase ibahen Ham na marjaga ahu?

13Anggo ihatahon uhurhu, ʻApeihu ma na mangapoh ahu, podomanku pahampung orong-orongku,ʼ

14jadi isonggoti Ham do ahu marhitei nipi, anjaha mabiar ahu ibahen marhitei panonggoran,

15gabe dearan huahap mandolos, dearan matei ase paboan-boan sitaronon on.

16Domma sobalan ahu, seng sihol be ahu manggoluh lalab; paluah ma ahu, ai doskon sahali marhosah do ari-aringku.

17Ai aha ma namin jolma in, ase pala patimbulon-Mu ia, anjaha pardiateihonon-Mu ia?

18Iparayak Ham do ia ganup sogod, anjaha ganup tongkin ilajou Ham ia.

19Sadiha dokah on, ase padaohon-Mu panonggor-Mu humbangku, anjaha paluahon-Mu ahu, ase sompat ahu mamondut tijurhu?

20Anggo mardousa ahu, aha ma tarbahen ahu dompak Ham, alo Sijaga manisia? Mase ma ahu ibahen Ham gabe sitembakonmu? Mase ma gabe siporsanon ahu, Bamu?

21Mase ma lang isasap Ham panlanggaronku, anjaha ibuat Ham hajahatonku? Ai laho modom ma ahu hubagas tanoh; pindahanmu ma ahu, tapi lang ijin be ahu.”


  Share Facebook  |  Share Twitter

 <<  Ayub 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel