Dual PanelSibere-bere ni Kopala ni Halak Israel Sanggah na Mangondoskon Anjapanjap bani Jahowa
1Dob siap ipajongjong si Musa lampolampo ai, anjaha dob iminaki anjaha ipapansing ganup parugasni ai, anjaha dob iminaki anjaha ipapansing anjapanjap ai pakon ganup parugasni ai,
2iboan pambobai ni halak Israel, kopala ni mar sasaompung, kopala ni mar sasamarga, sagala na mambobahon halak na dob binilanganni ai,
3iboan sidea ma galangan ni sidea hu lobei ni Jahowa: onom gareta na martutup pakon sapuluh dua lombu; dua kopala sada gareta anjaha sada lombu bei ganup kopala; iboan sidea ma ai hu lobei ni lampolampo ai.
4Dob ai nini Jahowa ma hubani si Musa,
5“Jalo ma ganupan ai humbani sidea, ase boi pakeion ai, anjaha ondoskon ma ai bani halak Levi, romban hubani horja ni sidea bei.”
6Jadi ijalo si Musa ma gareta pakon lombu ai, anjaha iondoskon ma ai bani ganup halak Levi.
7Dua gareta pakon ompat lombu iondoskon bani anak ni si Gerson, romban hubani horja ni sidea ai.
8Ompat gareta pakon ualuh lombu iondoskon bani anak ni si Merari romban hubani horja ni sidea, marguru hubani horja ni sidea, na binobahon ni si Itamar, anak ni Malim Aron.
9Tapi anggo bani anak ni si Kahat, seng dong age aha ibere, halani sidea do haondosan ni parugas na pansing ai, ai ma siusungon ni abara.
10Jadi igalangkon sagala kopala ai ma galanganni bei, laho mangondoskon anjapanjap ai bani ari pamminakionni, anjaha igalangkon sagala kopala ai ma galanganni i lobei ni anjapanjap ai.
11Nini Jahowa do hubani si Musa, “Maningon mar sasahalak kopala ai bani panorangni bei mambahen galanganni laho mangondoskon anjapanjap ai.”
12Na manggalangkon galanganni bani ari na parlobei, ai ma si Nahason, anak ni si Aminadab, humbani marga Juda.
13Ia galanganni, ai ma sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai, haduasi gok bani itak na lumat, na niagu pakon minak bahen galangan sipanganon;
14sada pinggan humbani omas, sapuluh sekel boratni, gok dahupa;
15sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
16sada hambing tunggal bahen galangan pardousaon;
17anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Nahason, anak ni si Aminadab.
18Bani ari paduahon iboban si Natanael, anak ni si Zuar, pambobai ni halak Isasar ma galangan ai.
19Iboan ma bahen galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai, haduasi gok bani itak na lumat, na niagu pakon minak bahen galangan sipanganon;
20sada pinggan humbani omas, sapuluh sekel boratni, gok dahupa;
21sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
22sada hambing tunggal bahen galangan pardousaon;
23anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Natanael, anak ni si Zuar.
24Bani ari patoluhon si Eliab, anak ni si Helon, pambobai ni halak Sebulon;
25Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sigalangonkon;
26sada pinggan humbani omas, sapuluh sekel boratni, gok dahupa;
27sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
28sada hambing tunggal bahen galangan pardousaon;
29anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Eliab, anak ni si Helon.
30Bani ari paompatkon si Elisur, anak ni si Sedeur, pambobai ni halak Ruben.
31Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;
32sada pinggan humbani omas, sapuluh sekel boratni, gok dahupa;
33sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
34sada hambing tunggal bahen galangan pardousaon;
35anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri na marumur satahun. In ma galangan ni si Elisur, anak ni si Sedeur.
36Bani ari palimahon si Salumiel, anak ni si Surisadai, pambobai ni halak Simeon.
37Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;
38sada pinggan humbani omas, sapuluh sekel boratni, gok dahupa;
39sada anak ni lombu, sada biribiri tunggal, sada anak ni biribiri na marumur satahun, bahen galangan situtungon;
40sada hambing tunggal bahen galangan pardousaon;
41anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Surisadai.
42Bani ari paonomkon si Eliasap, anak ni si Deguel pambobai ni halak Gad.
43Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;
44sada pinggan humbani omas, sapuluh sekel boratni, gok dahupa;
45sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
46sada hambing tunggal bahen galangan pardousaon;
47anjaha bahen galangan pardameian, dua lombu, lima biribiri tunggal, pakon lima anak ni biribiri tunggal na marumur satahun. Ai ma galangan ni si Eliasap, anak ni si Deguel.
48Bani ari papituhon si Elisama, anak ni si Amihud, pambobai ni halak Efraim.
49Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;
50sada pinggan humbani omas, sapuluh sekel boratni, gok dahupa;
51sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
52sada hambing tunggal bahen galangan pardousaon;
53anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Elisama, anak ni si Amihud.
54Bani ari paualuhkon si Gamaliel, anak ni si Pedasur, pambobai ni halak Manase.
55Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na adong bani ianan na pansing ai, haduasi gok bani itak na lumat, na niagu pakon minak bahen galangan sipanganon;
56sada pinggan humbani omas, sapuluh sekel boratni, gok dahupa;
57sada anak ni lombu, sada biribiri tunggal, sada anak ni biribiri tunggal na marumur satahun, bahen galangan situtungon;
58sada hambing tunggal bahen galangan pardousaon;
59anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Gamaliel, anak ni si Pedasur.
60Bani ari pasiahkon, si Abidan, anak ni si Gideoni, pambobai ni halak Benjamin.
61Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak, na niagu pakon minak bahen galangan sipanganon;
62sada pinggan humbani omas, sapuluh sekel boratni, gok dahupa;
63sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
64sada hambing tunggal bahen galangan pardousaon;
65anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Abidan, anak ni si Gideoni.
66Bani ari pasapuluhkon si Ahieser, anak ni si Amisadai, pambobai ni halak Dan.
67Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na bani ianan na pansing ai. Haduasi ai gok bani itak, na niagu pakon minak, bahen galangan sipanganon;
68sada pinggan humbani omas, sapuluh sekel boratni, gok dahupa;
69sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
70sada hambing tunggal bahen galangan pardousaon;
71anjaha bahen galangan pardameian, dua lombu, lima biribiri tunggal, lima hambing tunggal, pakon lima anak ni biribiri tunggal na marumur satahun. Ai ma galangan ni si Ahieser, anak ni si Amisadai.
72Bani ari pasapuluhsadahon si Pagiel, anak ni si Okran, pambobai ni halak Asser.
73Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na bani ianan na pansing ai; haduasi gok bani itak na lumat, na niagu pakon minak, bahen galangan sipanganon;
74sada pinggan humbani omas, sapuluh sekel boratni, gok dahupa;
75sada anak ni lombu, sada biribiri tunggal, sada anak ni biribiri tunggal na marumur satahun, bahen galangan situtungon;
76sada hambing tunggal bahen galangan pardousaon;
77anjaha bahen galangan pardameian, dua lombu, lima anak ni biribiri tunggal pakon lima anak ni biribiri tunggal na marumur satahun. Ai ma galangan ni si Pagiel, anak ni si Okran.
78Bani ari pasapuluhduahon si Ahira anak ni si Enan, pambobai ni halak Naftali.
79Galanganni sada pinggan pirak, saratus tolu puluh sekel boratni, sada mangkuk humbani pirak pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;
80sada pinggan humbani omas, sapuluh sekel boratni, gok dahupa;
81sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;
82sada hambing tunggal bahen galangan pardousaon;
83anjaha bahen galangan pardameian, dua anak ni lombu, lima biribiri tunggal, pakon lima anak ni biribiri tunggal na marumur satahun. Ai ma galangan ni si Ahira, anak ni si Enan.
84Ai ma galangan laho mangondoskon anjapanjap ai, bani ari pamminakion ai humbani pambobai ni halak Israel, sapuluh dua pinggan pirak, sapuluh dua mangkuk humbani pirak, sapuluh dua pinggan omas.
85Saratus tolu puluh sekel borat ni pinggan ai sada-sada, anjaha pitu puluh sekel borat ni mangkuk ai sada-sada, ase boratni ganup parugas ai dua ribu ompat ratus sekel do, domu hubani sekel na bani ianan na pansing ai.
86Sapuluh dua pinggan omas, gok dahupa, sapuluh sekel boratni sada-sada, domu hubani sekel na bani ianan na pansing ai; ase borat ni omas ganup hubani pinggan ai saratus dua puluh sekel.
87Haganup pinahan bahen galangan situtungon, sapuluh dua lombu, sapuluh dua biribiri tunggal, sapuluh dua anak ni biribiri tunggal na marumur satahun, rap pakon galangan sipanganon; anjaha sapuluh dua hambing tunggal bahen galangan pardousaon.
88Buei ni pinahan bahen galangan pardameian, dua puluh ompat anak ni lombu, onom puluh biribiri tunggal, onom puluh hambing tunggal, onom puluh anak ni biribiri tunggal na marumur satahun. Ai ma galangan laho mangondoskon anjapanjap ai, dob siap iminaki.
89Anjaha sanggah na masuk ai si Musa hubagas lampolampo partumpuan ai, sihol marsahap pakon Jahowa, ibogei do sora ni Jahowa marsahap pakonsi, humbani langkob ni pardearan ai, na i atasni poti hasaksian ai, humbani holangkolang ni herub na dua ai; anjaha marsahap do Jahowa pakonsi.