Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 112 >> 

Hatuahon ni Halak Parpintor

1Haleluya! Martuah ma halak na marhabiaran bani Jahowa, na marosuh tumang bani titah-Ni.

2Markuasa do ginomparni i tanoh on, dapotan pasu-pasu do sundut ni halak parpintor.

3Hadoharon ampa habayakon do manggoki rumahni, anjaha hapintoronni totap do ronsi sadokah ni dokahni.

4Marsinalsal do na lihar ibagas na golap bani halak parpintor; sidear layak, parholong atei do halak parpintor.

5Martuah do halak paridop ni uhur ampa na ra papinjamkon, anjaha na mandalankon horjani domu hubani aturan.

6Seng anjai dugur ia lalab, gabe sitarsingatan do halak parpintor sadokah ni dokahni.

7Seng mabiar ia bani barita na masambor, totap do uhurni marhatengeran bani Jahowa.

8Totap do uhurni, seng mabiar ia, ronsi malum uhurni mangidah munsuhni.

9Layak do ia marsibere-bere bani halak na masombuh; hapintoronni manongtong do anjaha tandukni timbul do ibagas hamuliaon.

10ididah parjahat ma ai, gabe marborit ni uhur; patungosngoson do iponni ibahen, hape magou, gabe na lang do sura-sura ni halak parjahat.


  Share Facebook  |  Share Twitter

 <<  Mazmur 112 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel