Dual PanelPuji-pujian bani Jahowa Sihopkop Halak na Masombuh
1Haleluya! Puji nasiam ma, ale juakjuak ni Jahowa, puji nasiam ma goran ni Jahowa!
2Na puji ma goran ni Jahowa, humbani sonari ronsi sadokah ni dokahni.
3Humbani hapoltakan ni mata ni ari das hu hasundutan, sai tarpuji ma goran ni Jahowa.
4Timbul do Jahowa i atas ni sagala bangsa, i atas ni sagala langit do hamuliaon-Ni.
5Ise ma doskon Jahowa, Naibatanta, i nagori atas atap i tanoh on,
6na marparatas i babou, anjaha na manatap-natap dompak toruh?
7Na pajongjong halak na madorun humbani orbuk, anjaha na pagijangkon halak na masombuh humbani hubang,
8laho pahundulhonsi rap pakon halak na sangap, rap pakon halak na sangap ni bangsa-Ni.
9Ia do mambahen boratan rumah parinangon na lambang, gabe inang sibuei anak, gok malas ni uhur.