Mangkawah Dompak Jahowa Laho Mangindo Idop ni Uhur-Ni
1Doding laho tangkog. Bamu do hudompakkon pangkawah ni matangku, Ham siparhotak i nagori atas.
2Tonggor ma, songon mata ni juakjuak mangkawah bani tangan ni tuanni, songon mata ni juakjuak naboru mangkawah bani tangan ni na marsuruhsi, sonai do mangkawah matanami bani Jahowa Naibatanami, paima maidop uhur-Ni bennami.
3Maidop ma uhur-Mu bennami, ale Jahowa, maidop ma uhur-Mu; domma sobalan hanami bani risa-risa.
4Sobalan tumang do tonduynami ibahen apas-apas ni sigijang uhur, ampa parpahiri ni halak na jungkat.