Apoh-apoh Ibagas Sitaronon
1Doding laho tangkog. Sanggah na ipaulak Jahowa na tarbuang hun Sion, usih bani halak na marnipi do hita.
2Ijia gok tawa do pamanganta, gok surak-surak dilahta. Ijia isahapkon halak do i tongah-tongah ni parbegu, “Banggal do tongon na binahen ni Jahowa bani sidea!”
3Banggal do tongon na binahen ni Jahowa banta, marmalas ni uhur ma hita.
4Pasuang Ham ma hanami, ale Jahowa, songon binanga i Tanoh Dangsina.
5Halak na mariluh-iluh laho manabur, marolob-olob do laho manabi.
6Mardalan-dalan pe sidea anjaha tangis paboan-boan bonih sisaburhononkon tongon, roh do sidea marolob-olob mamboan radeanni.