Hasonangan ni Tonduy na dob Jumpahan Damei
1Doding laho tangkog. Humbani si Daud. Ham Jahowa, seng gijang uhurhu, seng mangenjeng pangkawah ni matangku; seng habanggalon na huayak-ayak, barang hatimbulon na mangatasi diringku.
2Tapi tene, hupaminop anjaha hupasip do tonduyhu; songon dakdanak na dob pinainum bani abingan ni inangni, sonai do tonduyhu ibagas.
3Arapkon ma Jahowa, ale Israel, humbani sonari ronsi sadokah ni dokahni.