Dual PanelPitah Naibata hansa Tarhatengerhon
1Haleluya. Puji ma Jahowa, ale tonduyhu!
2Sai pujionku do Jahowa sadokah ahu manggoluh, sai dodingkononku do Naibata sadokah dong ahu.
3Ulang ma marhatengeran nasiam bani halak na sangap-sangap, bani anak ni jolma, na seng dong pangurupion bani.
4Rotapkonsi hosahni mulak ma ia hu tanoh, jadi bani ari ai magou ma ganup sura-surani.
5Martuah ma halak, na mambahen Naibata ni si Jakob gabe pangurupini, na marpangarapan bani Jahowa Naibatani,
6ai ma Sitompa langit pakon tanoh sonai laut ronsi ganup isini; na manramotkon hasintongan ronsi sadokah ni dokahni.
7na mamintori halak na niodoh-odoh, na mambere sipanganon bani halak na loheian. Jahowa do na paluahkon halak na tartutup.
8Jahowa do na mangungkab mata ni na mapitung, Jahowa do na pajongjong halak na dob ipatunduk, Jahowa do na mangkaholongi halak parpintor.
9Jahowa do na manramotkon halak panginsolat; isarihon do halak na tading maetek pakon na mabalu, tapi ipapelet do dalan ni halak parjahat.
10Jahowa do manrajai ronsi sadokah ni dokahni. Marsundut-sundut do Naibatamu, ale Sion. Haleluya!