Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 48 >> 

Naibata do Batar-batar bani Huta Sion

1Sada doding. Psalm humbani ginompar ni si Korah. (48-2) Banggal do Jahowa anjaha sipujion botul ibagas huta ni Naibatanta, dolog-Ni na pansing in.

2(48-3) Na jenges manjurjur hubabou, ai ma malas ni uhur ni sab tanoh on, Dolog Sion in, daoh hampit utara, ai ma huta ni sada raja na bolon.

3(48-4) Naibata ibagas rumah-Ni patandahon diri-Ni songon batar-batar.

4(48-5) Tonggor ma, martumpu do raja-raja, marsada ni uhur laho mandorab.

5(48-6) Ijin ididah sidea longang ma sidea, anjaha bajoraon lanjar maporus.

6(48-7) Godor-godor ma sidea ijai, mangarou songon naboru na laho tubuhan tuah.

7(48-8) Marhitei logou na hun hapoltakan, irosaki Ham do kapal na hun Tarsis.

8(48-9) Songon na dob binogeinami, sonai do ididah hanami bani huta ni Jahowa Zebaot, ibagas huta ni Naibatanta, na patotapkon ai ronsi sadokah ni dokahni. Sela.

9(48-10) Idingat hanami do idop ni uhur-Mu, Ham Naibata, ibagas rumah-Mu.

10(48-11) Songon goran-Mu, Ham Naibata, sonai do hamuliaon-Mu das hu ujung ni tanoh on, gok hapintoron do tangan-Mu siamun.

11(48-12) Marmalas ni uhur do Dolog Sion, marolob-olob do boru Juda halani panguhumion-Mu.

12(48-13) Inggoti nasiam ma Sion anjaha lioti nasiam ma, bilangi nasiam ma manarani.

13(48-14) Papangkei nasiam ma tembokni, bontas nasiam ma benteng-bentengni, ase boi ituri-turihon nasiam bani sundut na mangihut.

14(48-15) Tongon, Naibata on do Naibata ronsi sadokah ni dokahni, Ia do na manogu-nogu hita.


  Share Facebook  |  Share Twitter

 <<  Mazmur 48 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran