Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 52 >> 

Uhum bani Halak Parjahat

1Bani pambobai koor. Doding podah humbani si Daud, (52-2) sanggah roh si Doeg, halak Edom ai patugahkon bani si Saul, nini hu bani, “Domma das si Daud hu rumah ni si Ahimelek.” (52-3) Mase marmegah-megah ho ibagas hajahaton, ale puanglima, parkuasa na mabisang, manlawan halak na daulat ganup ari?

2(52-4) Hamagouan do iuhurhon ho, songon pisou parsuhur do marot ni dilahmu, ho ale sihorjahon pangoto-otoion.

3(52-5) Holongan do uhurmu bani na jahat ase bani na madear, bani hata ladung ase hata hasintongan. Sela.

4(52-6) Sai iharosuhkon ho do bagei ni hata hasedaon, sonai age dilah panipuon.

5(52-7) Tapi reongkonon ni Naibata do ho sadokah ni dokahni, tangkapon-Ni anjaha saradon-Ni do ho humbani lampolampomu, dokdokon-Ni do hun tanoh ni halak na manggoluh. Sela.

6(52-8) Idahon ni halak parpintor ma ai lanjar mabiar, tatawaan ni sidea ma ia, nini,

7(52-9) “Tonggor ma halak an, na so mambahen Naibata batar-batarni, na martenger ni uhur bani buei ni habayakonni, anjaha na mangenjeng ibagas hajahatonni.”

8(52-10) Tapi anggo ahu songon hayu jetun na ratah do i rumah ni Naibata; martenger ni uhur do ahu bani idop ni uhur ni Naibata ronsi sadokah ni dokahni.

9(52-11) Sai pujionku do Ham, ai Ham do sibahen ai, ronsi sadokah ni dokahni, halani ipasaud Ham ai; sai baritahononku do goran-Mu halani hadearonni, i lobei ni halak na niidopan-Mu.


  Share Facebook  |  Share Twitter

 <<  Mazmur 52 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran