Dual PanelHaotoon ni Jolma na Marnalangkon Naibata
1Bani pambobai koor. Loguni: Mahalat. Doding podah humbani si Daud. (53-2) Nini halak na oto do ibagas uhurni, “Seng dong Naibata.” Bajan anjaha sambor do pambahen ni sidea, sahalak pe lang sibahen na madear.
2(53-3) Manatap-natap do Jahowa hun nagori atas dompak anak ni jolma, mangidah atap dong do na maruhur, sipindahi Naibata.
3(53-4) Haganup do sidea kahou, haganupan seng margagan, sahalak pe lang sibahen na madear, sahalak pe lang dong.
4(53-5) Seng marpambotoh nani sagala halak sihorjahon hajahaton, na mangankon bangsang-Ku songon na mangan ruti, anjaha na so ongga mardilo Jahowa?
5(53-6) Tapi maningon tarsonggot do sidea use, age pe seng dong na manonggoti, ai Naibata do na mangerap holi-holi ni halak na mangkubu ho, sai na tarbador do sidea, ai domma iambukkon Naibata sidea.
6(53-7) Ah, sai roh ma haluahon ni Israel, hun Sion! Anggo suang ma ibahen Naibata bangsa-Ni, marolob-olob ma Jakob anjaha marmalas ni uhur Israel.