Dual PanelTonggo Mangindo Partolongan Marimbang Munsuh
1Bani pambobai koor. Marhasoman husapi. Doding podah humbani si Daud, (54-2) sanggah roh halak Sipi hubani si Saul mangkatahon, “Ai lang i lambungnami do marponop si Daud?” (54-3) Ham Naibata, paluah Ham ma ahu, halani goran-Mu, pintori Ham ma ahu marhitei hagogohon-Mu.
2(54-4) Tangihon Ham ma tonggongku, Ham Naibata! Paeleng Ham ma pinggol-Mu manangihon sahap ni pamanganku!
3(54-5) Ai hehe do halak na jungkat mangimbang ahu, anjaha sihorjahon paksa mangindahi hosahku; seng mardingat sidea bani Naibata. Sela.
4(54-6) Tonggor ma, Naibata do pangurupi bangku, Tuhan do siramotkon hosahku.
5(54-7) Balaskon Ham ma hajahaton in bani imbang-imbangku, siapkon Ham ma sidea halani hasintongan-Mu.
6(54-8) Marhasoman malas ni uhur boanonku ma galangan hu Bamu, pujionku ma goran-Mu, Ham Jahowa, ai dear do in,
7(54-9) ai ipaluah do ahu humbani sagala hasosakan, anjaha sombuh matangku mangidah sagala munsuhku.