Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 57 >> 

Nalom ni Uhur bani Naibata Age Ibagas Parmaraan

1Bani pambobai koor. Inggouni: Ulang parseda. Doding podah humbani si Daud. Sanggah lintun ia humbani si Saul, hubagas liang. (57-2) Maidop ma uhur-Mu bangku, Ham Naibata, maidop ma uhur-Mu bangku: ai Bamu do marlingod tonduyhu, anjaha bani linggom ni habong-Mu do ahu marlingod, paima salpu parmaraan.

2(57-3) Dilo-dilo do ahu bani Naibata na timbul in, hubani Naibata siluluhon ahu.

3(57-4) Marsuruhan do Ia hun nagori atas anjaha paluahon-Ni do ahu; pabadoron-Ni do halak na sihol mangatah ahu. Sela. Sai tongoson ni Naibata do idop ni uhur-Ni ampa hasintongan-Ni.

4(57-5) Tibal do ahu i tongah-tongah ni singa, na sihol mangatah anak ni jolma; iponni doskon tanja ampa panah, anjaha dilahni songon podang na niasah.

5(57-6) Pagijang Ham ma diri-Mu, Ham Naibata, hu atas ni sagala langit, anjaha hu sab tanoh on hamuliaon-Mu.

6(57-7) Itaon sidea do jarot bani langkah-langkahku, anjaha tonduyhu domma unduk; ihurak sidea sada godung i lobeihu, tapi sidea sandiri do madabuh hubagas. Sela.

7(57-8) Sonang do uhurhu, Ham Naibata, sonang do uhurhu; sihol do ahu mandoding, sihol do ahu mamuji-muji.

8(57-9) Puho ma ale tonduyhu, puho ma arbap pakon husapi; sihol do puhoanku buha siang.

9(57-10) Pujionku ma Ham i tongah-tongah ni sagala bangsa, ale Tuhan, dodingkononku ma Ham i tongah-tongah ni sagala marga,

10(57-11) ai sundol do hu langit idop ni uhur-Mu, anjaha hasintongan-Mu das hu awang-awang.

11(57-12) Pagijang Ham ma diri-Mu, Ham Naibata, hu atas ni sagala langit; hu sab tanoh on hamuliaon-Mu.


  Share Facebook  |  Share Twitter

 <<  Mazmur 57 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel