Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 58 >> 

Lumba-lumba dompak Siparkuasa na So Sintong

1Bani pambobai koor. Inggouni: Ulang parseda. Doding podah humbani si Daud. (58-2) Tongon do nani domu hubani uhum hanima marsahap, ale siparkuasa, anjaha sintong-sintong do iuhumi hanima anak ni jolma in?

2(58-3) Lang, hajahaton do idalankon hanima ibagas uhurnima, anjaha igoki hanima tanoh in bani paksa.

3(58-4) Domma manlembang halak parjahat humbani partubuhni nari, domma kahou humbani partapaan nari halak sihatahon ladung.

4(58-5) Bisa na dong bani sidea, doskon bisa ni ulog, anjaha usih do sidea songon ulog darih na nengel, na mamitut pinggolni,

5(58-6) na so manangihon sora ni sipanubut, sora ni sipanabas na pandei.

6(58-7) Ham Naibata, ropangi Ham ma ipon ni sidea ibagas babahni, rosaki Ham ma ngadol ni anak ni singa, Ham Jahowa.

7(58-8) Sai salpu ma sidea songon bah na laho horah; sai melus ma sidea songon poyon na i topi dalan.

8(58-9) Sai mahansur ma sidea songon langkitang na manjulur, songon rudang na masabur bani sada naboru seng sompat mangidah mata ni ari.

9(58-10) Lape milas hudon ni sidea ibahen apuy ni duri-duri, na matah atap na masak, domma ipurpurhon Naibata sidea.

10(58-11) Marmalas ni uhur ma halak parpintor, mangidah pambalason ai; burihanni ma naheini ibagas daroh ni parjahat.

11(58-12) Jadi hatahonon ni jolma ma, “Dapotan upah do tongon parpintor, tongon, dong do Naibata na manguhum i atas tanoh on.”


  Share Facebook  |  Share Twitter

 <<  Mazmur 58 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel