Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 64 >> 

Uhum ni Naibata bani Munsuh Sipartahi-tahi

1Bani pambobai koor. Psalm ni si Daud. (64-2) Tangihon Ham ma, alo Naibata, sorangku marhitei tangis-tangisku, ramotkon Ham ma goluhku humbani songgot-songgot ni munsuh!

2(64-3) Sai dingdingi Ham ma ahu dompak riah ni parjahat, dompak hageoron, na binahen ni halak na jungkat,

3(64-4) na pamarot dilahni songon podang, na papinsur hatani na marbisa songon panah,

4(64-5) laho manembak halak na so marsalah humbani parponopan; sompong do sidea manembak seng maralang-alang.

5(64-6) Putus do uhur ni sidea mangkorjahon hajahaton, manriah do sidea manaon siding ponop-ponop, nini sidea, “Ise ma mangidah ai?”

6(64-7) Hajahaton do ipingkiri sidea, ponop ibahen sidea ranggian ni sidea. Ah, ise ma na boi mandadap parbagas ampa uhur ni sidea jolma?

7(64-8) Tapi itembak Naibata do sidea marhitei panah; na so panagaman do sidea ihonai.

8(64-9) Majomba do sidea ibahen halani sahap-sahap ni sidea, mupir-upir do sagala na mangidah sidea.

9(64-10) Jadi mabiar ma haganup halak; baritahonon ni sidea ma pambahenan ni Naibata, anjaha mangahap sidea bani na binahen-Ni.

10(64-11) Marmalas ni uhur ma halak parpintor ibagas Jahowa, anjaha hu Bani ma ia marlingod, sai marmegah-megah ma haganup sipintor uhur.


  Share Facebook  |  Share Twitter

 <<  Mazmur 64 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel