Dual PanelNaibata do Panguhum bani Sagala Panguhum
1Psalm humbani si Asap. Jongjong do Naibata bani humpulan ni naibata-naibata, mandabuh uhum do Ia bani naibata-naibata.
2Piga dokah nari pagedukonnima uhum, anjaha apitannima parjahat? Sela.
3Papintor hanima ma uhum bani halak na malumat ampa na tading maetek, ondingi hanima ma halak na madoyuk ampa na musil.
4Paluah ma halak na malumat pakon na masombuh. paluah hanima ma sidea humbani tangan ni parjahat.
5Seng dong na binotoh ampa pangartian ni sidea, bani na golap do sidea mardalan, dugur ma onjolan ni tanoh on.
6Domma namin Huhatahon, “Naibata-naibata do hanima, anak ni Na Tang Sitimbulan in do hanima ganup.”
7Age pe sonai maningon do matei hanima songon jolma, anjaha targompang songon sada halak na sangap.
8Jongjong ma Ham, ale Naibata, uhum Ham ma tanoh on, ai Ham do simada sagala bangsa.