Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 99 >> 

Jahowa, Raja Na Pansing anjaha Na Pintor

1Jahowa do Raja, hitir ma sagala bangsa; marhotak do Ia bani herubim, dugur ma tanoh on.

2Banggal do Jahowa i Sion, anjaha timbul do Ia i atas ni sagala bangsa.

3Ipuji sidea ma goran-Mu na timbul anjaha matunggung in! Pansing do Ia!

4Ham Raja siparkuasa, sihaholongi uhum, Ham do patotapkon uhum; Ham do na pamasa hapintoron pakon uhum bani Jakob.

5Pagijang nasiam ma Jahowa Naibatanta in, manrogop ma nasiam bani sidogeian ni nahei-Ni! Pansing do Ia.

6Si Musa pakon si Aron, na i tongah-tongah ni malim-Ni, ampa si Samuel na i tongah-tongah ni na mandilo goran-Ni, dilo-dilo do sidea bani Jahowa, jadi ibalosi do sidea.

7Humbagas hombun na jongjong do Ia marsahap bani sidea; idalankon sidea do hasaksian-Ni, ampa titah na binerehon-Ni bani sidea.

8Ham Jahowa Naibatanami, ibalosi Ham do sidea, Naibata parontou ni uhur do Ham bani sidea, age pe Siparlulu Ham bani salah ni sidea.

9Pagijang nasiam ma Jahowa Naibatanta, manrogop ma nasiam bani dolog-Ni na pansing in! Tongon, pansing do Jahowa Naibatanta.


  Share Facebook  |  Share Twitter

 <<  Mazmur 99 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran