Dual PanelDoding Puji-pujian ni Halak na dob Maluah
1Anjaha hatahononmu ma bani ari ai, “Sihol do pujionku Ham ale Jahowa, ai dob igilai Ham ahu, surut do ringis-Mu anjaha iapohi Ham do ahu.
2Tonggor ma, Naibata do haluahon bangku, tenger do uhurhu anjaha seng mabiar ahu; ai Tuhan Jahowa do gogohku pakon dodingku, anjaha Ia do gabe hatuahon bangku.
3Jadi marmalas ni uhur ma nasiam manahui bah humbani bah tubuh haluahon.
4Hatahon nasiam ma bani ari ai, ʻPuji ma Jahowa, dilo ma goran-Ni, patugah nasiam ma pambahenan-Ni i tongah-tongah ni bangsa-bangsa, ingat nasiam ma, timbul do goran-Ni tongon.ʼ
5Mandoding ma nasiam bani Jahowa, ai banggal do na binahen-Ni; sai tarbarita ma on i sab tanoh on.
6Marsurak anjaha marolob-olob ma nasiam na marianan i Sion, ai banggal do i tongah-tongah nasiam Na Pansing ni Israel.”