Dual PanelDomma Lambin Dohor Ari Uhum Banggal
1Sompul nasiam ma tarompit i Sion, anjaha mardilo-dilo ma nasiam i atas dolog hapansingon-Ku! Hitir ma ganup pangisi ni tanoh on, ai na roh ma ari ni Jahowa, ai domma dohor.
2Sada ari na golap marimpot-impot, sada ari na marhombun pakon turun sabun. Songon simarikkuning sogod merap ma i atas dolog in sada bangsa na banggal anjaha na gogoh; seng ongga ope masa sisonin humbani na basaia, anjaha dob ai pe seng dong be masa torus marsundut-sundut.
3Apuy na mangankon i lobeini, anjaha dilah ni apuy na gara i pudini. Songon pohon Eden do tanoh in i lobeini, tapi gabe halimisan na lungun i pudini, anjaha seng dong na maluah humbani sidea.
4Songon rumang ni huda do rumang ni sidea, anjaha songon huda porang paranjak ni sidea.
5Songon pardorom ni gareta porang panlumpat ni sidea i atas dolog, songon sora ni gajag ni apuy na mangankon anggala, songon bangsa na gogoh, na gopas marsinjata hu hamunsuhon.
6Gobir do sagala bangsa i lobeini, marposi bei ganup bohi.
7Marlintun sidea songon puanglima, songon parmunsuh manangkihi tembok. Ganup sidea marsitohu dalanni, anjaha seng manlembang sidea humbani dalan ni sidea bei.
8Seng marsisosak-sosakan sidea, marsitohu dalanni bei do, iusung sidea do sinjata, seng marnarotap odoran ni sidea.
9Marhujai-hujon do sidea ibagas huta, marlintuni i atas tembok; ipanangkihi sidea rumah-rumah, masuk hun jandela songon panangko.
10Dugur do tanoh on i lobei ni sidea, langit mangkutur, manggolapi do mata ni ari pakon bulan, anjaha bintang-bintang manjolomi sinalsalni.
11Jadi ipamaling Jahowa ma sora-Ni i lobei ni bala-Ni; buei tumang do bala-Ni, margogoh tumang do Ia pasaudkon hata-Ni. Ai banggal do ari ni Jahowa anjaha majangin tumang, ise ma na tolap manahan ai?
Tingting Mangkatahon Paubahkon Uhur
12Tapi sonari pe nini Jahowa do, “Sai mulak ma nasiam hu Bangku humbani gok ni uhur nasiam marhitei parpuasaon, marhitei partangison pakon marhitei doruh-doruh;
13anjaha rigati nasiam ma uhur nasiam, ulang hiou nasiam.” Mulak ma nasiam bani Jahowa, Naibata nasiam, ai pardear layak anjaha paridop uhur do Ia, parlumbang ni uhur anjaha parholong atei banggal, anjaha marpangulaki do uhur-Ni mangidah hamagouan.
14Ise mambotoh atap mulak anjaha isolsoli uhurni, anjaha itebai sada pasu-pasu i pudini bahen galangan sipanganon pakon siinumon bani Jahowa, Naibata nasiam.
15Sompul ma tarompit i Sion, papansing ma sada parpuasaon, tingtingkon ma sada partumpuan na majombut.
16Patumpu ma bangsa in, papansing kuria in; pahumpul ma na matua-matua, patumpu dakdanak pakon na inumon; kaluar ma siparunjuk hun iananni, pakon tunangan hun kamarni.
17Tangis-tangis ma i holangkolang ni surambih ampa anjapanjap malim pakon juakjuak ni Jahowa anjaha ihatahon sidea ma, “Ramoti ham ma bangsamu ale Jahowa, anjaha ulang ma ondoskon bangsa na tinean-Mu gabe sirisaon, gabe umpama ni bangsa sipajuh begu-begu.” Mase ma ihata-hatahon halak i tongah-tongah ni sagala bangsa, “Ija do Naibata ni sidea in?”
Marpangulaki do Uhur ni Jahowa bani Bangsa-Ni
18Jadi marsimburu ma Jahowa mangkopkop tanoh-Ni, anjaha marpangulaki uhur-Ni mangidah bangsa-Ni.
19Dob ai nini Jahowa ma mambalosi bangsa-Ni, “Torih ma, tongoson-Ku ma bani nasiam gandum, anggur pakon minak ase bosur nasiam, anjaha seng be bahenon-Ku nasiam sirisaon i tongah-tongah ni sagala bangsa.
20Padaohon-Ku do humbani nasiam munsuh na hun utara, anjaha usiron-Ku do ia hu sada tanoh na horah anjaha na lungun, odoran parpudi hu laut parhasundutan, odoran parlobei hu laut parhapoltakan, maningon masik anjaha marbau ia halani pambahenan hagijangonni.
21Ulang ma mabiar ho ale tanoh, marolob-olob anjaha marmalas ni uhur ma ho, ai banggal do pambahenan ni Jahowa.
22Ulang ma mabiar hanima, ale pinahan na i talun, halani martumbor ma use parmahanan na i halimisan, marbuah ma use hayu, anjaha bereon ni hayu ara pakon hayu anggur ma use gogoh ni sidea.
23Nasiam anak ni Sion, marolob-olob anjaha marmalas ni uhur ma nasiam ibagas Jahowa, Naibata nasiam; ai ibere do bani nasiam guru bahen hapintoron nasiam, iparoh do udan na doras bani nasiam, udan partidahonkon ampa udan parpariamaonkon songon sapari.
24Jadi junjun ma omei i pardogeian, anjaha sampur ma anggur pakon minak hun pangilangan.
25Pasuangon-Ku ma bani nasiam partahunan na ginagat ni balang, tamponok pakon hirik, tentarang-Ku na buei in, na Hupabingkat dompak nasiam.
26Anjaha bosuran ma nasiam mangan, anjaha pujion nasiam ma goran ni Jahowa, Naibata nasiam, na mambahen halongangan i tongah-tongah nasiam; seng be bador bangsang-Ku sadokah ni dokahni.
27Botohon nasiam ma, na i tongah-tongah ni Israel do Ahu, anjaha Ahu do Jahowa, Naibata nasiam seng dong na legan; anjaha seng be marhabadoron bangsang-Ku sadokah ni dokahni.”
28wj[[EMPTY]wj*]
29wj[[EMPTY]wj*]
30wj[[EMPTY]wj*]
31wj[[EMPTY]wj*]
32wj[[EMPTY]wj*]