Dual PanelGoran ni Raja-raja na Talu ai
1On do raja-raja ni tanoh ai, sagala na tinaluhon ni halak Israel, na manoluk tanoh ni sidea i dipar ni Jordan, hampit hapoltakan, hun bah Arnon nari das hu Dolog Hermon, pakon ganup tanoh hondot na hampit hapoltakan.
2Si Sihon, raja ni halak Amori, na marianan i Hesbon, na manggomgomi hun Aroer nari i topi ni habungan Arnon, das hu parsitongahan ni habungan ai, ronsi satongah ni Gilead das hu Bah Jabok, parbalogan ni tanoh ni halak Amon,
3pakon Arabah das hu Tao Kinnerot hampit hapoltakan, anjaha das hu laut ni Arabah, ai ma laut Garam hampit hapoltakan, bani dalan dompak Bet-Jesimot, anjaha i dangsina i bona ni tuadan Pisga.
4Ambahni ai tanoh ni si Og, raja ni Basan, ai ma tading-tadingan ni halak Refaim, na marianan i Astarot pakon Edrei,
5na manggomgom Dolog Hermon pakon Salka pakon ganup Basan das hu parbalogan ni halak Gesuri pakon halak Maakati pakon satongah ni Gilead das hu parbalogan ni si Sihon, raja hun Hesbon.
6Si Musa, juakjuak ni Jahowa rap pakon halak Israel do na manaluhon sidea; lanjar si Musa, juakjuak ni Jahowa do mambere tanoh ai bahen parbagianan ni halak Ruben, Gad pakon satongah marga Manase.
7Tapi on ma raja-raja ni tanoh ai, na tinaluhon ni si Josua rap pakon halak Israel i dipar ni Bah Jordan hampit hasundutan, hun Baal-Gad, na i habungan ni Libanon nari, das hu dolog na sae-sae, na tangkog dompak Seir. Jadi ibere si Josua ma tanoh ai bahen rupei ni marga ni Israel, mangihutkon parbagianan ni bei,
8na i dolog, na i habungan, na i Arabah, na i raboyon, na i halimisan pakon na i tanoh Dangsina, tanoh ni halak Het, Amori, Kanani, Peresi, Hewi pakon Jebusi:
9Raja hun Jeriko, sada; raja hun Ai, na i lambung ni Betel, sada;
10raja hun Jerusalem, sada; raja hun Hebron, sada;
11raja hun Jarmut, sada; raja hun Lakis, sada;
12raja hun Eglon, sada; raja hun Geser, sada;
13raja hun Debir, sada; raja hun Geder, sada;
14raja hun Jorma, sada; raja hun Arad, sada;
15raja hun Libna, sada; raja hun Adullam, sada;
16raja hun Makeda, sada; raja hun Betel sada;
17raja hun Tapuah, sada; raja hun Heper, sada;
18raja hun Apek, sada; raja hun Lasaron, sada;
19raja hun Madon, sada; raja hun Hazor, sada;
20raja hun Simron-Meron, sada; raja hun Aksap, sada;
21raja hun Taanak, sada; raja hun Megiddo, sada;
22raja hun Kedes, sada; raja hun Jokneam, na i Karmel, sada;
23raja hun Dor, na i nagori Dor, sada; raja ni Goyim, na i Galilea, sada;
24raja ni Tirsa, sada; ganup tolu puluh sada raja-raja.